ဘိုင်ပင်ဂူ(ဂူပင်) ရွာလေးအတွက် စုပေါင်း ကူညီ ပေးကြပါ

ကျွန်တော်သိခဲ့သော ဘိုင်ပင်ဂူ(ဂူပင်) ရွာလေး အကြောင်း ....

မနက်ခင်း တစ်ခုမှာပေါ့။ အွန်လိုင်းပေါ်တက်ရင်း “ဂိုင်းပင်ရွာ (ဂူပင်ရွာ) ဘုန်းတော်ကြီးသင်စာသင်ကျောင်း” ဆိုတဲ့ ပိုစ့်လေးကို ဆိုဒ်မှာတွေ့ ခဲ့ရတယ်ဗျ။ ပိုစ့်လေးကိုဖတ်ပြီး တော်တော်လေးလည်း စိတ်မကောင်းဖြစ် မိတယ်ဗျာ။ အဲ့ပိုစ့်လေး ဖတ်ပြီးပြီးချင်း ကတည်းက သွားလှူဖို့ ဆန္ဒကလည်း ထက်သန်ခဲ့တယ်။ ဒါပေမယ့် အထ မမြောက်သေးဘူး။

တစ်နေ့ကျတော့ ကျွန်တော် အဲ့သတင်းလေးကို ပို့ပေးတဲ့ ကိုဖိုးကျော်နဲ ဖုန်းအဆက် အသွယ်ရခဲ့တယ်။ ဘယ်တတ်နိုင် မလဲဗျာ။ ကျွန်တော်လည်း ကိုဖိုးကျော်ကို မေးမြန်းရတာပေါ့ဗျာ။ ကိုဖိုးကျော်ခမျာ လည်းသူတတ်နိုင်တဲ့ဖက်ကနေ လုပ်ပေး ရှာပါတယ်ဗျာ။ သူ့ အလုပ်တွေကြားထဲကနေ (၁၂.၁၁.၂၀၁၁) မှာ ကျွန်တော့်ကို ၈ မိုင် Lucky Seven မှာချိန်းတယ်ဗျ။ ဘိုင်ပင်ရွာလေးနဲ့  ပက်သက်ပြီး တော့ အောက်ပါ အတိုင်းရှင်းပြ ပေးခဲ့ပါတယ်။

မန္တလေးတိုင်း၊ ပုသိမ်ကြီးမြိုနယ်၊ မင်းကန်ကျေးရွာ အုပ်စုအတွင်းရှိ၊ တောစုကျေးရွာနဲ့ မလှမ်းမကမ်းမှာရှိတဲ ရွာလေးနာမည်က ဘိုင်ပင် ရွာလေးဖြစ်ပါတယ်ဗျ။ခ ရီးစဉ်ကတော့ ကျွန်တော်တို့ ပထမဆုံးအနေဖြင့် မန္တလေးကိုသွားအဲ့ကမှကြာနီကန် လမ်းအတိုင်းသွားရပြီး တောစုရွာလေးကို ရောက်မှာဖြစ်ပါတယ်။

ကျွန်တော် အခုပြောမယ့် ဘိုင်ပင်ရွာလေး ကတော့ တောင်ပေါ်ဒေသ လေးပေါ့ဗျာ။ တောစု ကျေးရွာ လေးနဲ့ ဆို ၄မိုင်ကျော်ကျော် လောက်ဝေးပါတယ်။ တောင်ပေါ် ကိုကတော့ လမ်းလျှောက်တက် ရတာပါ။ ကိုဖိုးကျော်တို့ သွားတုန်း ကတော့ လှည်းတစ်တန် ကုန်းကြောင်း တစ်တန်(လမ်းလျှောက်ရတာကို) ပြောတာနော်။

အခု အချိန်တော့ တော်တော် အဆင်ပြေသွားပြီလို့ ပြောပါတယ်။ လမ်းခရီးကလည်း အရင်လို မခက်ခဲတော့ပါဘူး။ လွန်ခဲ့သော နှစ်နှစ် ကျော်ကဆို အဲ့ရွာက ကလေးတွေက စာသင်ခွင့်မရရှိခဲ့ကြပါဘူး။ ကျေးဇူးရှင် ၀ါးခင်းကုန်း ဆရာတော် ဦးတိက္ခ နဲ့ တောစုရွာ ကျောင်းအုပ်ကြီး ဦးကံလွင်တို့ ရဲ ကူညီဖေး မမှုကြောင့် ကလေးတွေကို စာသင်ပေး နိုင်ခဲ့တယ်ဗျ။

စိတ်မကောင်းဖြစ်မိတဲ့ တစ်ချက်က တော့ဗျာ။ အသက် ၁၂ နှစ်လောက်ရှိတဲ့ကျောင်းသူ၊ ကျောင်းသားလေး တွေက အခုမှ နှစ်တန်းစာကို သင်နေရတုန်းပဲရှိသေးတယ်တဲ့။ နောက်ပြီး စာသင်နေတဲ့ကလေးတစ်ချို့ ကအခုချိန်ထိ အစိုးရစာမေးပွဲကို ဖြေဆိုခွင့် မရသေးတာပါ။ ခေတ်စကားနဲ့ ပြောရရင် ဘက ကျောင်း အဖြစ် မပြောင်းလဲနိုင် သေးတာပါ။

အဲ့ကျောင်းလေးကို ဆရာတော်က ကျောင်းဆရာလေး တစ်ယောက်ကို လစာ ၂၀၀၀၀ ပေးပြီး ဒါနပြုဖို့ အကူအညီ တောင်းရာမှ ဆရာလေးက တောင်ပေါ် တောင်အောက် ၄ မိုင်ဝေးတဲ့ ခရီးကိုခေါက်တုန် ခေါက်ပြန်ခြေလျှင် တက်ဆင်းပြီး စာသင်ပေးနေတာပါ။

ကျွန်တော်တို့ တွေ တစ်သက်လုံး ပရဟိတလုပ်လာတာသူကို တော့မမှီသေးနိုင်ပါဘူး။သူ့ ရဲ့ ဇွဲလုံ့ လလေးကို တကယ်ပဲ လေးစားမိပါတယ်။ ဆရာတော်ရဲ့ သပိတ် ကတော့သူ့ အတွက် ထမင်းအိုးကြီးပါဗျာ။ ဆရာတော်က မိုးတွေရွာလို့ ဆွမ်းခံ မထွက်ဖြစ်ရင်တော့ ပဲပြုတ်လေးနဲ့ ဆားလေးနဲ စားရတာပေါ့ဗျာ။

ခက်တာက သူကလည်း ကျောင်းမပီးသေးဘူးလေ။ ကျောင်းတက်နေဆဲပေါ့ဗျာ။ ဆရာတော်ကလည်း ဒီလကုန်ရင် သူလည်း လစာပေးဖို့ မတတ်နိုင်တော့ဟု ပြောကြား ကြောင်းသိရသည်။ ကလေးတွေရဲ့ ပညာရေးက ရင်လေး စရာတွေပေါ့ဗျာ။ ဆရာတော် ဦးတိက္ခကလည်း ဘိုင်ပင်ဂူအနီးမှာရှိတဲ့ သဘာဝ လိုင်ဂူကြီးထဲမှာပဲ သီတင်းသုံးတာပါ။

ဂူအတွင်းမှာရှိတဲ့ ရှုခင်းကလည်း တကယ်ပဲအေးချမ်း သာယာလှပါတယ်။ ကိုယ်တိုင်မြင်ရရင် ပိုပြီးကြည်နူးမိမှာပါ။ ဘိုင်ပင်ဂူရွာလေးက ပညာလေးနဲ့ ပက်သက်ပြီးအခက်အခဲတင်မဟုတ်ဘူးနော်၊ အဓိကအရာ တစ်ခုဖြစ်တဲ့ ရေ အခက်အခဲ မှာလည်း ဆိုးရွားလှပါတယ်ဗျာ။ ဘိုင်ပင်ဂူရွာသူ၊ ရွာသားတွေဆိုရင် သဘာဝဂူကြီးနဲ့ တစ်မိုင်ခန့် ဝေးတဲ့ တောင်ကျစမ်းရေကိုသာ အဓိကအားကိုးနေရတာပေါ့ဗျာ။တချို့ ဆို ကိုဖိုးကျော်တို သွားတုန်းကဆို ရေတောင် မချိုးနိုင်ဘဲ ညစ်တီး ညစ်ပတ် သဘာဝ အလှလေးတွေနဲ့ တဲ့။

နောက်ပြီး ဆရာတော်တို့ ဆောက်ပေးထားတဲ့ စာသင်ဆောင်လေးကလည်း ချို့ တဲ့လှပါတယ်။ အခန်း ၂ ခန်း၊၃ ခန်းမြေစိုက်လေး၊ ထရံကာ၊ သက်ကယ်မိုးလေးနဲ့ ပါဗျာ။ ကျောင်းကိုလစာ ထောက်ပံ့မှုဖြင့် စာသင်ပေးနေတဲ့ ဆရာလေးနေဖို့ က အခန်း ၁ခန်း ပတ်လည်(ကင်းတဲပုံစံ)ထရံကာ၊၀ါးခင်း၊သက်ကယ်မိုး သုံးဘက်သာ ကာထားပြီး တံခါးပိတ် မပါတဲ့ အဆောင်လေးနဲ့ ပေါ့ဗျာ။တကယ်ပါဗျာ။ ရှိတာလေးနဲ့ဖြစ်သလိုလေး ကြိုးစားနေရတာပါဗျာ။

အခုလိုမျိုး မျှစ်ချိုး၊၀ါးခုတ်ပြီး ၀မ်းစာအတွက်အသည်းအသန်ရှာဖွေနေရပြီး ပညာရေးလမ်းကြောင်းတွေမှာ ဒုက္ခပင်လယ်တွေ ဝေနေတဲ့ သူတို့ရဲ့ ဘ၀လေးတွေကို လက်ပိုက်ပြီးကြည့်နေတော့ မှာလားဗျာ။ မိုးတွင်းဆို မိုးကရွာ ချမ်းကလည်းချမ်း မလုံမခြုံဖြစ်နေတဲ့ စာသင်ဆောင်လေးကိုရော မမွမ်းမံပေးချင်ဘူးလားဗျာ။ တစ်မိုင်လောက်ဝေးတဲ့နေရာကို ခက်ခက်ခဲခဲသွား ရေသွားခဲ့ပြီး ရေကိုတောင် လုံလုံလောက်လောက် မသုံးနိုင်တဲ့ သူတို့ ဘ၀လေးကိုရော မကူညီ ချင်ဘူးလားဗျာ။

ကျွန်တော်တကယ်ပဲ ၀မ်းနည်းမိတယ်ဗျာ ဒီစာလေးကိုရေးနေရင်းနဲ့ တောင်။ ဘိုင်ပင်ရွာမှာရှိတဲ့ ကျောင်းသူ၊ သားလေးတွေကိုရော အစိုးရ ကျောင်းမှာတက်ဖို့ အတွက်နဲ့ သူတို့ ရဲ့ အနာဂတ်လေးတွေ အတွက် အလင်းရောင် တွေရော မပေးချင်ဘူးလားဗျာ။ တတ်နိုင်ရင်ကူညီကြပါဗျာ။ ကျွန်တော်တစ်ကယ်ဖြစ်စေချင်တဲ့ ဆန္ဒကတော့ဗျာ ကျွန်တော်သိတဲ့ ပရဟိတအဖွဲ့ ခေါင်းဆောင်တွေနဲ့ တွေ့မယ် ဒီအကြောင်းလေးကိုရှင်းပြမယ်။

အဲ့ရွာလေး ကိုရောက်ဖူးတဲ့ ကိုဖိုးကျော်ကို အကူအညီတောင်းပြီးပေါ့ဗျာ..ပြီးတော့ ဆိုဒ်အသီးသီးကနေ အလှူငွေတွေ ကောက်၊ ကျောင်းသုံးပစ္စည်း လေးတွေဝယ်၊ ရှိစုမှတ်စု သတင်းစာလေးတွေ၊ ရွှေသွေး လေးတွေသယ်၊ Unicef ကနေချပေးတဲ့ အခမဲ့ မြေစစ်အိုးလေး တွေတောင်း၊ ကိုယ်နဲ့ သိတဲ့ ဆရာဝန်လေးတွေပေါင်းပြီး၊ ကျန်းမာရေး အသိပညာ ပေးပွဲလေးတွေလုပ်၊ စာသင်ဆောင်လေးကိုလည်း၊ တတ်စွမ်း သလောက်လေးမွမ်းမံ၊ အခက်အခဲဖြစ်နေတဲ့ ရေဒုက္ခလေးရယ်ကို ကျွန်တော်တို ညီအစ်ကို မောင်နှမတွေ ကူညီလိုက် ရအောင်လားဗျာ။

နောက် တစ်ခုက ကျွန်တော်တို့  အနေနဲ့ ဘိုင်ပင်ဂူမှာ စာသင်ပေးဖို့ အတွက် ကျောင်း ဆရာ တစ်ယောက် ကိုသာအခြေ ကျကျ ခန့်အပ် ပေးနိုင်ရင် ဘိုင်ပင်ဂူရှိ ဘက ကျောင်းလေး မှာရှိတဲ့ ကျောင်းသား တွေဟာ အစိုးရ စာမေးပွဲ တွေကို ဖြေဆိုနိုင်မှာဖြစ်ပြီး သူတို့ရဲ့ အနာဂတ် ခရီးလမ်းမှာလည်း အရင်ကထက်ပိုပြီး ထွန်းလင်း တောက်ပ လာမှာ ကိုကြိုတင် မှန်းဆ တမ်းတပြီး ၀မ်းသာပီတိ ကျွန်တော်ဖြစ်မိ ပါတယ်ဗျာ။

စကားပုံတောင် ရှိသေးတာပဲ တစ်ယောက်အား နှင့်ယူသော်မရ တစ်သောင်းအား နှင့် ယူသော်ရဧ။် ဆိုတဲ့ဟာလေး။ ပရဟိတအဖွဲ့ တွေအများကြီးရှိတာပါဗျာ နာမည်လေး ပဲကွဲတာပါ။ အားလုံး စုစုစည်းစည်း လေးနဲ့ ထိထိရောက်ရောက် သွားပြီးကူညီလိုက်ကြရ အောင်လားဗျာ။

ကျွန်တော် ကတော့ဗျာ ကိုယ့်ထမင်း ကိုယ်စားပြီး သူများပြောရင်လည်း ခံမယ့်သူပါ။ မသန့် ရှင်းတဲ့ ရေတွေသောက် ရောဂါတွေရပြီး သောကတွေဝေ နေမယ့် အဖြစ်မျိုးတွေ၊မလုံမခြုံ စာသင်ဆောင်လေးမှာ တုန်တုန်ရီရီနဲ့ စာသင်နေရတဲ့ မြင်ကွင်းတွေ၊ ၀ါးခုတ်၊ မျှစ်ချိုးရင်းနဲ့ ပဲ တောထဲမှာ အဆုံးသတ်သွားရမယ့် ဘ၀တွေ သူတို့ ကိုတော့ မရစေချင်ဘူးဗျာ။

ဖြစ်နိုင်တော့ တတ်နိုင် သလောက်လေး ပါဝင်ကူညီကြပါလို့ ကျွန်တော်တို့ IT_Youth_Donation အဖွဲ့မှ အားလုံးကို ဖိတ်ခေါ်ပါတယ်ဗျာ။ လုပ်အားဖြင့် သော်၎င်း၊ ငွေအားဖြင့် သော်၎င်းပါဝင်ကူညီမည်ဆိုပါက Mail Account များကို Comment တွင်ရေးပေးကြပါရန် ပန်ကြားအပ်ပါတယ်ဗျာ။

ဘိုင်ပင်ဂူ စာသင်ကျောင်း

တည်နေရာ - မန္တလေးတိုင်း ၊ ပုသိမ်ကြီးမြိုနယ်
မင်းကန်အုပ်စု ၊ တောစုကျေးရွာအနီး ၊ ဘိုင်ပင်ဂူရွာ။
တောင်ပေါ်ဒေသ လေးဖြစ်ပြီး၊ တောစုရွာနဲ့ လေးမိုင်အကွာတွင်ရှိ။

စတင်ဖြစ် ပေါ်လာပုံ - လွန်ခဲ့သောနှစ်နှစ်ခန့် က ဒေသ ရှိကလေးများ စာမသင်ကြားနိုင် ၊ တောစု ကျောင်းအုပ်ကြီး၊ ၀ါးခင်းကုန်း ဆရာတော်တို့ဧ။် ထောက်ပံ့မှုဖြင့် စာသင်ဆောင်လေး တစ်ဆောင်၊ ဆရာတော်မှ လစာပေးထောက်ပံ့ထားသော ကျောင်းဆရာလေး တစ်ယောက်သာရှိ။

လမ်းခရီးအခြေနေ - တောစုကျေးရွာအထိ ကားဖြင့်တိုက်ရိုက်သွားနိုင်ပြီး၊တောင်ပေါ်ကိုမူ လှည်း၊ဆိုင်ကယ် တို့ ဖြင့်သွားနိုင်၊ယခင်ကထက်ပိုမို ချောမွေ့ သောလမ်းခရီးဖြစ်။

လိုအပ်ချက်များ - စာသင်ဆောင်မကောင်း၊ ရေအခက်အခဲဖြစ် (ရွာနှင့် တစ်မိုင်ခန့် အကွာမှာ သွားခပ်ရ)၊ ကျောင်းဆရာ အခက်အခဲဖြစ်။ ကျောင်းသုံးပစ္စည်းများ၊ ခြင်ထောင်၊ အနွေးထည်၊ ရွှေသွေး၊သတင်းစာ၊ ဂျာနယ်၊ ဦးထုပ်၊ အ၀တ်အထည် အစရှိတာတွေ လိုအပ် လျှက်ရှိနေပါသည်။

ကျွန်တော်သိခဲ့သော ဘိုင်ပင်ဂူ(ဂူပင်) ရွာလေးအတွက် ကူညီချင်သူများ အသေးစိပ် မေးမြန်းနိုင်ပါတယ်။

*** ဆက်သွယ်ရန် ***

lwanpaishin@gmail.com
Phone-09 - 43136207
01 - 210800 (ဇေယျာဟု ခေါ်ပါ)

kaung42@gmail.com
Phone-0973083241

http://ityouthdonation.blogspot.com/
it.youth.donations@gmail.com

( မလေးရှားမှ အလှူရှင်များ အတွက်
မလေးရှား တာဝန်ခံ ဖြစ်တဲ့
www.nayzawlin1.com
nayzawlin1@gmail.com
nayzawlin@nayzawlin1.net
Ph: 010 2148 677
သို့ ဆက်သွယ် လှူဒါန်းနိုင်ပါတယ်။)

www.nayzawlin1.com - www.nayzawlin1.net - www.nayzawlin1.org