.jpg)
ဒီကာမေသုမိစ္ဆာစာရကံနှင့်ပတ်သတ်ပြီး ဦးဇင်းကို လူတော်တော်များ မေးကြပါတယ်။ ခဏခဏလည်း ဖြေပေးပါတယ်။ ဒါပေမဲ့ ဒီကံနှင့်ပတ်သတ်ပြီး ယောင်ဝါးဝါးနားမလည် ဖြစ်နေကြတယ် ထင်ပါဘိ။ အဲဒါကြောင့် ဒီတစ်ခါတော့ ဦးဇင်း တက်သိလေ့လာထားသမျှကို ပွင့်ပွင့်လင်းလင်း စုံစုံလင်လင်ဖြစ်အောင် ဖြေပေးလိုက်ပါတယ်။ ပွင့်လင်းအားကြီးလို့ လူကြီးလူကောင်းများအနေဖြင့် မသုံးသင့်တဲ့ မပြောသင့်တဲ့စကားလုံးများ ပါနေလျှင်လည်း နားနှင့်မနာ ဖ၀ါးနှင့်နာပါလို့ပဲ တောင်းပန်လိုက်ပါတယ်။ လူငယ်များ ဒီကံနှင့်ပတ်သတ်ပြီး နားရှင်းကာ ရှောင်ကြဉ်လိုက်နာနိုင်အောင် ယခုအောက်ကမေးထားတဲ့မေးခွန်းကိုပါ တစ်ဆက်တည်း ဖြေပေးလိုက်ပါတယ်။ အမေးနှင့်အဖြေလေးကတော့ ဒီလိုပါ။
အရှင်ဘုရားတပည့်တော် ရိုသေစွာလျှောက်ထားအပ်ပါသည်ဘုရား။ ကာမေသု မိစ္ဆာစာရကံနှင့်ပတ်သက်၍ သေချာစွာသိရှိလိုပါသဖြင့် မေးမြန်းခြင်းဖြစ်ပါသည်ဘုရား။
(၁) ကာမပိုင် မိဘမှအစ ဆွေမျိုး၊ ရပ်ဆွေရပ်မျုိုးများ မရှိတော့သော အမျိုးသားအမျိုးသမီးတစ်ယောက်ကို ကျူးလွန်လျှင်အပြစ်မဖြစ်ဘူးဆိုသည်မှာ ဟုတ်ပါသလားဘုရား။
(၂) အရူးမများအား ကျူးလွန်လျှင်လည်း အပြစ်မဖြစ်ဘူးဆိုသည်မှာ ဟုတ်ပါသလားဘုရား။
(၃) မိမိ ကာမပိုင်သောအမျိုးသမီးရှိသော်လည်း အပျော်မယ်များနှင့် ပျော်ပါးခြင်းစသည်များသည်လည်း အပြစ်ကျူးလွန်ရာရောက်ပါသလားဘုရား။
(၄) ၄င်းအပြင် အမျိုးသမီးတစ်ယောက်မှ နောက်တစ်ယောက်ပြီးတစ်ယောက် ထပ်ယူခြင်းသည် အပြစ်သင့်ပါသလားဘုရား။
(၅) တပည့်တော်တို့မြန်မာသမိုင်းတွင် ဘုရင်အဆက်ဆက်သည် အမျိုးသမီးများစွာထားရှိပါသည်ဘုရား။ ထိုမင်းများသည် မင်းကျင့်တရားနဲ့ ညီညွတ်ပါသလားဘုရား။
(၆) ထို့ပြင် သိကြားမင်းသည်လဲ နတ်ပြည်တွင် နတ်သမီး (၂၅၀၀၀၀၀၀)နှင့်နေခြင်းသည် ဘယ်လိုဘုန်းကံမျိုးပါလဲဘုရား။
(၇) မိဘအုပ်ထိန်းသူအောက်တွင်ရှိသော အမျုိုးသမီးနှင့် ရယ်ငန်၍ ကျူးလွန်နေကြသော်လည်း (အမျိုးသမီးသည် ခွင့်ပြုကြည်ဖြူ၏) နောင်တွင် လက်ထပ်ယူကြလျင်လည်း အပြစ်ဖြစ်ပါသလားဘုရား။ မည်ကဲ့သို့အပြစ်ရှိပါသလဲဘုရား။ ကံကိုကျူးလွန်တိုင်း အပြစ်ဖြစ်ပါသလားဘုရား။
အထက်ပါမေးခွန်းများကို တပည့်တော်အား အစဉ်သနားခြင်းကို အကြောင်းပြု၍ ဖြေကြားပေးတော်မူပါဘုရား။
အင်း ပထမဦးဆုံး ကာမေသုမိစ္ဆာစာရကံနဲ့ပတ်သတ်ပြီး သိထားရမည်က လောကတွင် လောက၀စ္စ၊ ပဏ္ဏတ္တိဝစ္စဟု နှစ်မျိုးရှိရာ ဒီကံတရားသည် လောက၀စ္စထဲတွင် ပါဝင်ပေသည်။ လောက၀စ္စဆိုသည်မှာ မိမိနှင့်ကိုယ်ချင်းစာပြီး နားလည်သိရှိ သဘောပေါက်ရမည်ဖြစ်ပါသည်။ သူတစ်ပါးသားမယားကို မိမိက ကျုးလွန်မယ်လို့ စိတ်ပေါ်လာတဲ့အခါမှာ မိမိစိတ်ထဲမှာ ဒီလိုလေး တွေးတောကြည့်သင့်ပါတယ်။ ငါကျုးလွန်မဲ့ မိန်းကလေးဟာ ငါ့ရဲ့ မိခင်၊ အမ၊ နှမဆိုလျှင်ရော ငါဘယ်လိုခံစားရမလဲ။
အဲဒီလိုတွေးတောတဲ့အခါမှာ မိမိရဲ့မောင်နှမဆွေမျိုးသားချင်းများနှင့် နှိုင်းယှဉ်ကြည့်လျှင် မိမိစိတ်ရဲ့ခံစားချက်အတိုင်း တစ်ဘက်လူမှာလည်း သူနဲ့ဆက်စပ်သူများ ဘယ်လိုခံစားရမယ်ဆိုတာ တွေးဆကြံဆနိုင်ပါလိမ့်မယ်။ အဲဒါကြောင့် ကာမေသုမိစ္ဆာစာရကံကို မကျုးလွန်မိအောင် ရှောင်ကြဉ်သင့်ပါတယ်။
ကာမေသုမိစ္ဆာစာရကံထိုက်သည့်အင်္ဂါရပ်များကို ပထမဦးဆုံးပြောပြပါမယ်။
၁။ အဂမနိယဌာနတာ - မသွားလာအပ်သော အရာဌာနဖြစ်ခြင်း။
၂။ သေ၀နာစတ္တံ - မှီဝဲလိုသော စိတ်ရှိခြင်း။
၃။ မဂ္ဂေနမဂ္ဂပဋိပတ္တိ - မဂ်ခေါ်လိင်ဖြင့် လိင်ထဲသို့ သွင်းခြင်း။
၎။ သာဒိယနံ - သာယာခြင်း။
ဒီအင်္ဂါ (၄)ရပ်လုံးပြည့်စုံမှ ကာမေသုမိစ္ဆာစာရကံထိုက်ပါတယ်။ ဒီလေးပါးထဲက အင်္ဂါတစ်ပါးပါး ချို့ယွင်းလျှင် ကံမထိုက်ပေ။ သို့သော် တစ်ပါးပါးကျုးလွန်မိလျှင် အပြစ်သေးသော အကုသိုလ်တော့ ဖြစ်ပေသည်။
သူတပါး၏ ခင်ပွန်း၊ ဇနီး၊ မယားတို့ကို သဘောတူ၍ဖြစ်စေ မတူပဲဖြစ်စေ ပြစ်မှားကျူးလွန်ခြင်းကို ပါရဒါရကံဟု ခေါ်သည်။ ပရဒါရကံက ကာမေသုမိစ္ဆာစာရကံထက် ပို၍ အပြစ်ကြီးပါသည်။ ကာမေသုမိစ္ဆာစာရကံဆိုသည်မှာ မိမိတရားဝင်ယူထားသော ယူထားသူမှအပ အုပ်ထိန်းခြင်းမကင်းသော မိန်းမ(၂၀)ကို သဘောတူ၍ဖြစ်စေ၊ မတူ၍ဖြစ်စေ ကာမဆက်ဆံလျှင် ကာမေသုမိစ္ဆာစာရကံထိုက်ပေသည်။
အဆိုပါ မိန်းမ(၂၀)တို့မှာ
၁။ အမိအုပ်ထိန်းသောသူ။
၂။ အဘအုပ်ထိန်းသောသူ။
၃။ အမိအဘစုံ အုပ်ထိန်းသောသူ။
၎။ မောင်ကြီး မောင်ငယ် အုပ်ထိန်းသောသူ။
၅။ အမကြီး အမငယ် အုပ်ထိန်းသောသူ။
၆။ ဆွေမျိုးတို့ အုပ်ထိန်းသောသူ။
၇။ အမျိုးအနွယ်တို့ အုပ်ထိန်းသောသူ။
၈။ အပေါင်းအသင်း မိတ်ဆွေသီတင်းသုံးဖော်တို့ အုပ်ထိန်းသောသူ။
၎င်းမိန်းမ(၈)ဦးတို့ကို ကျူးလွန်လျှင် ယောက်ျားတွေမှာသာ ကံထိုက်၍ မိန်းကလေးများမှာ ကံမထိုက်ပေ။ အဘယ့်ကြောင့် ထိုမိန်းကလေးများသည် သူတို့ကာမကို သူတို့ပိုင်သေးသောကြောင့် ဖြစ်သည်။ မိဘစသော အုပ်ထိန်းစောင့်ရှောက်သူများကို တစ်ပါးသူက တရားဝင်မတောင်းယူရသေးသောကြောင့် ဖြစ်ပေသည်။
၉။ ထိန်းမြား (တစ်နည်း)လက်ထပ်ပြီးသောသူ။
၁၀။ ဘုရင်ကောက်ယူရန် သတ်မှတ်ထားသောသူ။
၁၁။ ဥစ္စာဖြင့် ၀ယ်ယူထားသောသူ။
၁၂။ အလိုတူ ပေါင်းသင်းနေသောသူ။
၁၃။ ပုဆိုးတန်းတင်ပေါင်းသင်းနေသောသူ။
၁၄။ စည်းစိမ်ကိုပေး၍ပေါင်းသင်းနေသောသူ။
၁၅။ ရေခွက်၌ လက်ဆုံချ၍ မိဘကပေးစားထားသောသူ။
၁၆။ ခေါင်းခုချ၍ လင်မယားအဖြစ်နေသောသူ။
၁၇။ ကျွန်ကို မယားပြုထားသောသူ။
၁၈။ အမှုလုပ်ကို မယားပြုထားသောသူ။
၁၉။ စစ်မြေပြင်မှ သုံးပန်းရခဲ့သောသူ။
၂၀။ ခေတ္တမျှပေါင်းရန် ငှားယူထားသောမိန်းမတို့ပင် ဖြစ်ပေသည်။
ထိုတွင် အမှတ်(၉)မှ(၂၀)ထိ မိန်းမ(၁၂)ယောက်အနက် တစ်ယောက်ယောက်ကို လွန်ကျူးလျှင် ယောက်ျားရော မိန်းမပါ ကာမေသုမိစ္ဆာစာရကံထိုက်ပေသည်။
ထို့ပြင် မိမိမယားပင် ဖြစ်စေကာမူ အောက်ပါအကြောင်း (၄)ပါကြောင့်လည်း ကံထိုက်ပါသည်။
၁။ ကိုယ်ဝန် အလွန်ရင့်သောအခါ။
၂။ မိဘ၊ဆရာ၊ သူတကာမြင်၍မသင့်သောနေရာ။
၃။ ကျင့်ရိုး ကျင့်စဉ် မဟုတ်သော နည်းစနစ်များဖြင့် ကျင့်ခြင်း။
၎။ ဆေးဝါးမှီးဝဲ ရှိမြဲအင်္ဂါထက် လွန်နေခြင်းတို့ပင် ဖြစ်ပေသည်။
ဒကာမေးထားတဲ့ မေးခွန်းများကို ဦးဇင်းတစ်ခုချင်းစီ ထပ်ရှင်းပြပေးပါမယ်။ နံပါတ်(၁-၂)သည် အထက်ပါအုပ်ထိန်းသူ (၂၀)ထဲ မပါရှိလျှင်တော့ အပြစ်မရှိပါ။ အုပ်ထိန်းသူရှိနေလျှင်တော့ အပြစ်ရှိပေသည်။
နံပါတ်(၃)သည် မိမိမှာ ကာမပိုင်ရှိသောကြောင့် မည်သည့်မိန်းမမျိုးနှင့်မဆို ကျူးလွန်လျှင် အပြစ်ရှိပေသည်။
နံပါတ်(၄) အုပ်ထိန်းသူခွင့်ပြုချက်ရ၍ နောက်ထပ်မိန်းမယူလျှင် မိမိသည်တရားဝင်တောင်းယူထားသောကြောင့် အပြစ်မရှိပါပေ။
နံပါတ်(၅) ဘုရင်များသည် မိဖုရားကော်ယူရာ၌ တရားဝင်လက်ထက်ယူလျှင် အပြစ်မရှိပေ။ တိတ်တိတ်ပုန်းယူလျှင်တော့ မင့်ကျင့်တရား၌လည်း ငါးပါးသီလလုံခြုံရမည့်ဖြစ်၍ အပြစ်ရှိပြီး မင့်ကျင့်တရားနှင့်မညီပေ။
နံပါတ်(၆) သိကြားမင်းသည် အရင်လူ့ဘ၀က မာဃအမည်နှင့် လမ်းပြင်ခြင်း၊ တံတားဆောက်ခြင်း၊ ဇရပ်ဆောက်ခြင်းစတဲ့ ကောင်းမှုများလုပ်ခဲ့၍ သိကြားမင်းဖြစ်ပြီးလျှင် ယခုပွင့်ခဲ့တဲ့ဂေါတမဘုရားရှင်လက်ထက်တွင် ဘုရားရှင်ထံခဏခဏသွားပြီး တရားနာခဲ့ခြင်းကြောင့် သောတာပန်ဖြစ်သွားပါတယ်။ အဲဒီသောတာပန်ဖြစ်ပြီးနောက် အရင်သိကြားမင်းဘ၀ကနေ ယခုတစ်ဖန်ဆက်လက်ပြီး သိကြားမင်းဖြစ်ရပါတယ်။ နတ်မိဖုရားများရခြင်းကတော့ နတ်သမီးဖြစ်လာမည့်သူများသည် နတ်သားများ၏ ဗိမာန်တွင်း၊ ဗိမာန်ရှေ့တည့်တည့်တွင် မဖြစ်ဘဲ လေးဘက်လေးလံနတ်သားများ၏ဗိမာန်ကြားတွင် လာဖြစ်ပါက သိကြားမင်းသည် နတ်သားများ အငြင်းပွားစရာလုစရာဖြစ်နေလျှင် သူကပဲ ကောက်ယူခြင်းကြောင့် နတ်မိဖုရားများရခြင်း ဖြစ်ပေသည်။
နံပါတ်(၇) မိန်းကလေးဘက်ကကြည်ဖြူသော်လည်း မိဘစသောအုပ်ထိန်းသူများထံ တရားဝင်ခွင့်မတောင်းရသေးဘဲ ကျုးလွန်လျှင် အပြစ်ရှိပေသည်။ စေ့စပ်ခြင်းစသည့် တရားဝင်အုပ်ထိန်းသူများထံ ခွင့်တောင်းပြီးသားဖြစ်လျှင်တော့ တကယ်လည်း တရားဝင်လက်ထက်ယူဖြစ်ပါက အပြစ်မရှိပါပေ။
ယခုခေတ် ရည်းစားအတွဲများသည် အုပ်ထိန်းသူရှိသူများအား ကျုးလွန်မိလျှင် အပြစ်ရှိပေသည်။ အထက်ပါ မိန်းမ(၂၀)မှ တစ်ကနေရှစ်အထိ ပါဝင်နေသော မိန်းကလေးများမှာမှု ကာမေသုမိစ္ဆာစာရကံတော့ မထိုက်ပေ။ သို့သော် ယောက်ျားများအား သွေးဆောင်မာယာများမှုရှိပါက အကုသိုလ်အပြစ်တော့ ဖြစ်ပေသည်။ ထို့ပြင် အိမ်ထောင်ကျပြီးသူများသည် မိမိတရားဝင်ယူထားသော မိန်းမမှတစ်ပါး ကျန်သောသူများနှင့် အယုတ်ဆုံး ပြည်တန်ဆာမနှင့်ကျုးလွန်လျှင်လည်း ကာမေသုမိစ္ဆာစာရကံထိုက်ပေသည်။ အိမ်ထောင်မကျသေးသောသူများသည် အုပ်ထိန်းသူက ခွင့်ပြုထားသော ပြည်တန်ဆာမလည်းဖြစ်၊ ကာယကံရှင်ပြည်တန်ဆာမကလည်း ကြည်ဖြူမည်၊ သူများစပွန်ဆာပေးထားတာလည်း မရှိသေးလျှင် ကာမေသုမိစ္ဆာစာရကံ မထိုက်ဘဲ ရာဂသောင်းကျန်မှု အကုသိုလ်တော့ ဖြစ်ပေသည်။ အုပ်ထိန်းသူက ခွင့်ပြုမထားသော သူများက မိမိအရင် သတ်မှတ်ထားပြီးသား ပြည်တန်ဆာမကိုကျူးလွန်မိလျှင်တော့ ကာမေသုမိစ္ဆာစာရကံ ထိုက်ပေသည်။
ဒကာမေးထားတဲ့ မေးခွန်းတွေရဲ့ တစ်ခုချင်းစီကိုရော၊ ကာမေသုမိစ္ဆာစာရကံထိုက်သည့် အင်္ဂါရပ်များကိုရော၊ မကျုးလွန်သင့်သည့် မိန်းကလေးများကိုရော၊ မကျင့်သင့်သည့်အချိန်ကာလ နည်းစနစ်များကိုပါ ရှင်းပြပြီးဆိုတော့ ဒီလောက်ဆို ရှင်းမည်ထင်ပါသည်။ ဒါ့ကြောင့် ဒီမှာပဲ ဦးဇင်းရဲ့အဖြေကို နိဂုံးချုပ်ရင်း လူသားအားလုံး ကာမေသုမိစ္ဆာစာရကံမှ ရှောင်ကြဉ်နိုင်ကြပါစေလို့ ဆန္ဒပြုလိုက်ပါပေသည်။
အရှင်ကောမလ(ခ)ဆန်နီနေမင်း
ကိုလံဘိုမြို့၊ သီရိလင်္ကာနိုင်ငံ။
4 comments:
ဘုန်းဘုန်းဘုရား။ တပည့်တော် အပြုသဘောနဲ့ ဝေဖန်ပါရစေ။ စိတ်ထဲမှာ ရှိတဲ့ အတိုင်းပြောရရင် အရမ်းကို Traditional ဖြစ်လွန်းပါတယ်ခင်ဗျာ။
အရှင်ဘုရား
ပရဒါရကံဆိုတာကို ရှင်းပြပေးတော်မူပါလားဘုရား။
တပည့်တော် တခါမှ မကြားဘူးလို့ပါအရှင်ဘုရား။
ပရဒါရကံဆိုသည်မှာ အိမ်ထောင်ရှိသော မိန်းမကို ကျုလွန်ခြင်းဖြစ်ပါသည်။ အိမ်ထောင်မရှိသော မိန်းကလေးကို ကျုးလွန်ခြင်းသည် ကာမေသုမိစ္ဆာစာရကံသာထိုက်၍ အိမ်ထောင်ရှိသော မိန်းမကို ကျုးလွန်ခြင်းသည် ကာမေသုမိစ္ဆာစာရကံထက် အပြစ်ကြီးမား၍ ငရဲကျရုံမျှလောက်နဲ့ဝဋ်ကြွေးမကုန်ဘဲ တိရစ္ဆာန်ဘ၀ရောက်ပြီး လိင်အင်္ဂါဖြတ်ခံရခြင်း၊ ဝှေးစေ့ထုတ်ခံရခြင်းတို့ကို ခံစားရပါသည်။ ထို့ပြင် လူ့ဘ၀ရောက်လျှင်လည်း မိန်းမ သို့မဟုတ် အခြောက်ဖြစ်တတ်ပေသည်။ အုပ်ထိန်းသူရှိသော သာမန်မိန်းကလေးကို ကျုးလွန်ခြင်းသည် ကာမေသုမိစ္ဆာစာရကံသာထိုက်၍ အိမ်ထောင်ရှိသော မိန်းမကိုကျုးလွန်ခြင်းထက် အပြစ်နည်းပေသည်။ ထို့ကြောင့် အိမ်ထောင်မရှိသူနှင့်အိမ်ထောင်ရှိသူနှစ်ဦးတွင် အိမ်ထောင်ရှိသူက ပရဒါရကံပါထိုက်သဖြင့် အပြစ်များစွာခံစားရပါသည်။
စဉ်းစားစရာ အတော်လေး ကောင်းပါတယ်။ တကယ်တမ်းကျ ဗုဒ္ဓဘာသာဝင်တိုင်း ဒီသဘောကို သိထားသင့်ပါတယ်....
ဘုန်းဘုန်းကိုရော.... ကိုလေမိုးကိုပါ ကျေးဇူးတင်ပါတယ်
Post a Comment