Sunday, July 10, 2011

အစိုးရ ဆန့်ကျင်ရေးဆန္ဒပြသူ ထောင်ကျော် မလေးရှား အာဏာပိုင်များ ဖမ်းဆီး ( နောက်ဆက်တွဲ သတင်း)

http://gallery.thestar.com.my/thumbnails/1992/018613518.jpg
Photo : the star

မလေးရှားနိုင်ငံမြို့တော် ကွာလာလမ်ပူမှာ အစိုးရဆန့်ကျင်ရေး ဆန္ဒပြမှုတွေ ဖြစ်ပေါ်နေပြီး လူ ၁,၄၀၀ ကျော်ကို ဒီကနေ့ ဖမ်းဆီးခဲ့တယ်လို့ ရဲတွေက ပြောပါတယ်။ အဖမ်းခံရသူတွေထဲက အများစုကို နာရီပိုင်းအတွင်း ပြန်လွှတ်လိမ့်မယ်လို့ မျှော်လင့်ရပါတယ်။ ရွေးကောက်ပွဲဆိုင်ရာ ပြုပြင်ပြောင်းလဲမှုတွေ လုပ်ဆောင်ဖို့ ထောင်နဲ့ချီတဲ့ မလေးရှားနိုင်ငံသားတွေ ကွာလာလမ်ပူမှာ ဒီကနေ့ စုရုံးဆန္ဒပြခဲ့ကြတာဖြစ်ပြီး ရဲတွေက ဆန္ဒပြသူတွေကို နံပတ်တုတ်တွေနဲ့ရိုက်၊ မီးသတ်ပိုက်တွေနဲ့ပက်၊ မျက်ရည်ယိုဗုံးတွေကို သုံးပြီး လူစုခွဲခဲ့ကြပါတယ်။ ဆန္ဒပြသူတွေကလည်း နောက်မဆုတ်ဘဲ တင်းခံခဲ့ကြတာပါ။

မလေးရှားအတိုက်အခံ နိုင်ငံရေးပါတီတွေပြောတာက သူတို့ရဲ့ ခေါင်းဆောင်တချို့လည်း အဖမ်းခံခဲ့ရတဲ့ အထဲမှာ ပါသွားပြီး နံမည်ကြီး အတိုက်အခံ ခေါင်းဆောင်တဦး ဖြစ်တဲ့ အန်န၀ါ အီဗရာဟင်လည်း ဒဏ်ရာအနည်းအကျဉ်း ရခဲ့တယ်လို့ ဆိုပါတယ်။ ဆန္ဒပြသူ တော်တော်များများက အ၀ါရောင် ဘောလုံးတွေနဲ့ ပန်းတွေကို ကိုင်လာပြီး ပြည်သူလူထု အဓွန့်ရှည်ပါစေဆိုတဲ့ ကြွေးကြော်သံတွေကို အော်ဟစ်ခဲ့ကြပါတယ်။

ကွာလာလမ်ပူမြို့ထဲက အားကစားကွင်းကြီး တခုဆီကို ချီတက်လာကြတဲ့ ဆန္ဒပြသူတွေကို တားဆီးတဲ့အနေနဲ့ ရဲတွေက လမ်းမတွေ တော်တော်များများကို သံဆူးကြိုးတွေနဲ့ ပိတ်ဆို့ထားပါတယ်။ အတိုက်အခံ အုပ်စုတွေ စုပေါင်းထားတဲ့ ဘာရှစ် လို့ခေါ်တဲ့ ညွှန့်ပေါင်းအဖွဲ့က အခု ဆန္ဒပြပွဲကို အနောက်က ထောက်ခံပံ့ပိုးနေတာ ဖြစ်ပြီး ဒီကနေ့ဆန္ဒပြပွဲမှာ လူ ၅ သောင်း ပါဝင်ဆန္ဒပြတယ်လို့ ဆိုပါတယ်။

ဒါပေမဲ့ ရဲတွေကတော့ ဆန္ဒပြတဲ့သူက ၆ ထောင်နီးပါးပဲ ရှိတာလို့ဆိုပါတယ်။ အေပီသတင်းမှာတော့ လူ ၂ သောင်းကနေ ၃ သောင်းလောက် ရှိမယ်လို့ ခန့်မှန်းပါတယ်။ လာမယ့် ၂၀၁၃ ခုနှစ်ကျရင် ကျင်းပဖို့ စီစဉ်ထားတဲ့ ရွေးကောက်ပွဲတွေ မတိုင်ခင် ရွေးကောက်ပွဲဆိုင်ရာ ပြုပြင်ပြောင်းလဲမှုတွေကို လက်ရှိ အစိုးရအဖွဲ့က အကောင်အထည်ဖေါ်ဖို့ မဲဝယ်ယူတာတွေ မဲလိမ်တာတွေ မဖြစ်အောင် ကြိုတင်ကာကွယ်ဖို့ ဆန္ဒပြသူတွေက တောင်းဆိုနေကြတာပါ။

ဒီကနေ့တရက်တည်းမှာပဲ အစိုးရကို ထောက်ခံတဲ့ဆန္ဒပြမှုလည်း ဆန့်ကျင်သူတွေနဲ့ တချိန်တည်းလိုလိုမှာ ဖြစ်ပွားခဲ့ပါသေးတယ်။ သူတို့ကိုတော့ ရဲတွေက ဘာမှ အနှောက်အယှက် မပေးခဲ့ကြပါဘူး။

Source by :http://www.voanews.com/



ဓာတ်ပုံ ရုပ်သံ သတင်းများကို တင်ပေးပြီးသား
ဖြစ်ပြီး ဤနေရာကိုနှိပ်၍ ကြည့်ရှုနိုင်ပါသည်။

4 comments:

ညိမ်းနိုင် said...

ကဲ..နာတို့လည်း စလိုက်ကြရအောင်လားဟေ....:D

SHWE ZIN U said...

ကဲ မောင်လေး ရှေ့ကသွား ရွှေစင်ဦး နောက်က မလိုက်ဘူး

မိုးယံ said...

ဟုတ်တယ်...ကညိမ်းနိုင်...နာလည်း မရွှေစင်ဦးပြောသလိုပဲ။ ဟီးဟီး

Anonymous said...

မာဒေးကားကွင်းနားမှာ နေခဲ့ဖူးတော့ သူတို့ဆန္ဒပြပုံတွေ ကိုမြင်ဖူးခဲ့တယ်
တရားရုံးရှေ့မှာ မီးသတ်ရေပိုက်နဲ့စောင့်နေပုံတွေလည်း မြင်ဖူးတော့ ကျွန်တော်တို့ဆီက သေနတ်ကိုင်စောင့်နေပုံ နဲ့ကွာတာကိုတော့ သိလိုက်ရတယ်း)


မောင်ဘကြိုင်
နေပြည်တော်မှလာသည်