.jpg)
၂၀၁၁ ခုနှစ် ဇူလိုင်လ ၃၁ ရက်နေ့အထိ မြန်မာနိုင်ငံတွင် ပြည်ပမှလာရောက် ရင်းနှီးမြှုပ်နှံမှုပမာဏ အမေရိကန်ဒေါ်လာ သန်းပေါင်း လေးသောင်းခန့်အထိ ရှိနေကြောင်းနှင့် လုပ်ငန်းပေါင်း ၄၅၄ မှ လာရောက် ရင်းနှီးမြှုပ်နှံထားခြင်း ဖြစ်ကြောင်း ပြန်ကြားရေး ၀န်ကြီးဌာန ပြည်ထောင်စု ၀န်ကြီး ဦးကျော်ဆန်းက သြဂုတ်လ ၁၂ ရက်နေ့တွင် နေပြည်တော်၌ ကျင်းပသော သတင်းစာ ရှင်းလင်းပွဲ (၁/၂၀၁၁)တွင် ပြောကြားခဲ့ကြောင်း သတင်းရရှိသည်။
မြန်မာနိုင်ငံတွင် နိုင်ငံသား ရင်းနှီးမြှုပ်နှံမှု ဥပဒေအရ ၁၉၉၉ ခုနှစ် ဧပြီလ ၁ ရက်နေ့မှ ၂၀၁၁ ခုနှစ် မတ်လ ၃၁ ရက်အထိ ကာလအတွင်း လုပ်ငန်းပေါင်း ၈၀၇ ခု တွင် အမေရိကန်ဒေါ်လာ သန်းပေါင်း ၂၀၀၀ ကျော် အပါအ၀င် ကျပ်သန်းပေါင်း ၁၄၁၄ ဘီလျံထိ ရင်းနှီးမြှုပ်နှံထားပြီး ဖြစ်ကြောင်း သိရှိရသည်။
အလားတူပင် ပြည်ပကုန်သွယ်မှုနှင့် ပတ်သက်ပါက ပို့ကုန် သွင်းကုန် စသည့် ပြည်ပကုန်သွယ်မှု လုပ်ငန်းအတွက် ပို့ကုန်သွင်းကုန် လိုင်စင်များကို အများဆုံးနှစ်ရက် အတွင်းရရှိအောင် ဆောင်ရွက်ပေး လျက်ရှိကြောင်း၊ ၂၀၁၁ခုနှစ် ဧပြီလမှ ဇူလိုင်လစတုတ္ထပတ်အထိကာလ အတွင်း စုစုပေါင်း ပြည်ပကုန် သွယ်မှုပမာဏ အမေရိကန်ဒေါ်လာ ၅၄၂၇ ဒသမ ၂၇ သန်းရှိခဲ့ပြီး ယခင် နှစ် အလားတူကာလထက် ၂၆ ဒသမ ၆၂ ရာခိုင်နှုန်း တိုးတက်ခဲ့ကြောင်းလည်း သိရှိရသည်။
လတ်တလော အခြေအနေတွင်မူ ပြည်ပပို့ကုန် တိုးမြှင့်တင်ပို့နိုင်ရေး နှင့် လက်ရှိပေါ်ပေါက်နေသော ငွေမာနှင့် earning ဈေးနှုန်းကျဆင်းမှုများကြောင့် ဇူလိုင်လ ၁ ရက်နေ့မှစ၍ ပို့ကုန်များအပေါ် ၀င်ငွေခွန် ၂ ရာခိုင် နှုန်းနှင့် ကုန်သွယ်ခွန် ၈ ရာခိုင်နှုန်း စုစုပေါင်း ၁၀ ရာခိုင်နှုန်းကောက်ခံ နေခဲ့ရာမှ ကုန်သွယ်ခွန်ကို ၃ ရာခိုင် နှုန်းလျှော့ချပြီး ၇ ရာခိုင်နှုန်းသာ ကောက်ခံခဲ့ကြောင်း ပြောကြားခဲ့သည် ဟု သတင်းရရှိသည်။
“အရင်က ကုန်သွယ်လုပ်ငန်းခွန် ၈ ရာခိုင်နှုန်းနဲ့ ၀င်ငွေခွန် ၂ ရာ ခိုင်နှုန်း စုစုပေါင်း ၁၀ ရာခိုင်နှုန်း ကောက်ခံခဲ့တယ်။ ဒါနဲ့ပတ်သက်ပြီး အခွန်ကို အရင်ချပေးဖို့ လွှတ်တော်ထဲမှာ တင်ပြခဲ့တာတွေရှိတယ်။ အဓိက ကတော့ အမေရိကန်ဒေါ်လာဈေး သိသိသာသာ ကျလာတော့ ပို့ကုန်သမားတွေ ထိခိုက်တယ်။ တချို့ လည်း သွင်းကုန်နဲ့ရော လုပ်ကြတယ်။ ပို့ကုန်သီးသန့်ဆိုရင် မခံနိုင်ဘူး။ ပြီးတော့ ၂၀၁၁ ခုနှစ်ထဲမှာပဲ ကုန်သွယ် လုပ်ငန်းခွန်ကို ၈ ရာခိုင်နှုန်း မကောက်တော့ဘဲ ၅ ရာခိုင်နှုန်း လျှော့လိုက်တယ်။ စုစုပေါင်း ၇ ရာခိုင် နှုန်းပဲ ကောက်တယ်။ အခု ၅ ရာ ခိုင်နှုန်း ထပ်လျှော့တာဆိုတော့ ၀င်ငွေခွန် ၂ ရာခိုင်နှုန်းပဲ ပေးဆောင် ရမယ်။ ဒီလ သြဂုတ်လ ၁၅ ရက်နေ့ ကစပြီး အကျုံးဝင်မယ်လို့ နိုင်ငံတော် သမ္မတရုံးကနေ စာထွက်တယ်လို့ သိရပါတယ်” ဟု စီးပွားရေး လုပ်ငန်းရှင်တစ်ဦးက ပြောပြခဲ့သည်။
“ပို့ကုန်အနေနဲ့တော့ အမြဲတမ်း တင်ပို့နေရတယ်။ ဒါပေမယ့် ဒေါ်လာဈေးကြောင့် မကိုက်တာ။ နောက်ပြီးတော့ အမေရိကန် ဒေါ်လာနဲ့ LC ဖွင့်လို့မရတဲ့ နိုင်ငံတွေဆိုရင် ယူရိုနဲ့ဖွင့်ရတယ်။ ငွေကြေးဖလှယ်တဲ့အတွက် ဆုံးရှုံးမှုကို ကိုယ့်နိုင်ငံက လုပ်ငန်းရှင်က ကျခံပေးရတယ်။ အခုလို အခွန်လျှော့ချ ပေးတာရော၊ လိုင်စင်နဲ့ပတ်သက်ပြီး ဖြေလျှော့ပေးတာကို ကြိုဆိုရမှာပါ”ဟု စီးပွားရေးပညာရှင် တစ်ဦးက သုံးသပ်သည်။
http://www.first-11.com/
0 comments:
Post a Comment