.jpg)
နိုင်ငံခြားသားဧည့်သည်များ၊ အထူးစိတ်ဝင်စားသည့် ရှမ်းပြည်နယ်တောင်ပိုင်း အင်းလေးဒေသ ရွာမ ရေပေါ်ဈေးတွင် သဲ၊ ရွှံ့၊ နှုန်း ပို့ချ မှုများကြောင့် ရေတိမ်ခန်းခြောက် လာကြောင်း နိုင်ငံခြားသားဧည့်သည်များအတွက် ရေပေါ်ဈေးအဖြစ် ပြသရန် ခက်ခဲမှုရှိလာကြောင်း ဒေသခံများထံမှ သိရှိရသည်။
သဲ၊ ရွှံ့၊ နှုန်းပို့ချမှုများလာခြင်းကြောင့် ဈေးဧရိယာရေပြင် ကျဉ်း လာခြင်း၊ ရေတိမ်လာသဖြင့် နွေရာသီတွင် မြေသားပေါ်သည်အထိ ခန်းခြောက်လာခြင်းများကြောင့် အင်းလေးရွာမဈေးသည် ဈေးနေ့ဖြစ်သော်လည်း ယခင်ကဲ့သို့ ရောင်းသူ ၀ယ်သူ မစည်ကားတော့ဘဲ အချို့ ခရီးသွားကုမ္ပဏီများမှ Sponsor ပေး၍ ရေပေါ်ဈေးအဖြစ် ဖန်တီးများ ရှိခဲ့ကြောင်း ၂၀၀၂ ခုနှစ်က မြို့နယ်၊ ပြည်နယ် တာဝန်ရှိသူများမှ ရေပေါ် ဈေးကို မူလနေရာအပြင် မြောက်ဘက်သို့ တိုးချဲ့ပြုပြင်ပေးခဲ့သော် လည်း ယခုအခါ သဲ၊ ရွှံ့၊ နှုန်း ပို့ချမှု များလာပြီးရေပေါ် ဈေးနေရာပြန်လည် တိမ်ကောလာကြောင်း သိရ သည်။
အင်းလေးဒေသ၏ ငါးရက် တစ်ဈေး၊ ဈေးကြီး များဖြစ်သော နန်းပန်ဈေး၊ သန်းတောင်ဈေး၊ မိုင်း ပျိုးဈေး၊ မိုင်းသောက်ဈေး၊ အင်းတိမ် ဈေးတို့အနက် မိုင်းပျိုးဈေးသည် စည်ကားမှု နည်းပါးလာပြီး ဈေးပျက်သွားသဖြင့် ထိုမိုင်းပျိုးဈေးနေ့ကို ရွာမရေပေါ် ဈေးနေ့အဖြစ် ပြောင်းလဲသတ်မှတ်၍ စည်ကားထင်ရှား သော ဈေးကြီးတစ်ခုဖြစ်ခဲ့သည်။
ဟဲယာရွာမသည် အင်းလေးကန်၏ ပင်မရေ၀င်ချောင်းဖြစ်သော ဘီလူးချောင်း၏ အဖျားဆုံးတွင် တည်ရှိပြီး ထိုဘီလူးချောင်းသည် အင်းလေးကန်အတွင်းသို့ သဲ၊ ရွှံ့၊ နှုန်းများ အဓိကပို့ချစီးဝင်နေသော ချောင်းလည်းဖြစ်ကြောင်း၊ ထိုကဲ့သို့ သဲ၊ ရွှံ့၊ နှုန်းများပို့ချမှုကြောင့် ရေ တိမ်၊ ခန်းခြောက်လာကာ ဈေးနေရာလည်း ကျဉ်းမြောင်းလာကြောင်း၊ ရွာတွင်းချောင်းများလည်း ရေတိမ်ခန်းခြောက် ကောလုနီးပါးဖြစ်လာ၍ လှေ၊ မော်တော်(ပဲ့ချိတ်)များ သွား လာရန်ခက်ခဲလာကြောင်း၊ ထိုကြောင့် ရေပေါ်ဈေးလည်း တစ်စတစ်စတိမ် ကောလာခြင်းဖြစ်ကြောင်း ဒေသခံ များက ပြောကြားပါသည်။
0 comments:
Post a Comment