Sunday, October 3, 2010

တောင်တရုတ် ပင်လယ်တွင် မြန်မာလူမျိုး ကပ္ပတိန်ဦးဆောင်သော ကုန်တင်သင်္ဘော တစ်စင်း မီးလောင်မှုဖြစ်ပွားခဲ့


တောင်တရုတ်ပင်လယ်တွင် မြန်မာလူမျိုးကပ္ပတိန် ဦးဆောင် သော HUB KUCHING ကုန်တင် သင်္ဘောမီးလောင်မှုဖြစ်ပွားခဲ့ကြောင်း သင်္ဘောသား အသိုင်းအ၀ိုင်းမှ စုံစမ်း သိရှိရသည်။


HUB KUCHING သင်္ဘောသည် ၂၀၁၀ ပြည့်နှစ် သြဂုတ်လကုန်ပိုင်းက ထိုင်းနိုင်ငံ ဘန်ကောက်မြို့မှ မလေးရှားနိုင်ငံသို့ သွားရောက်စဉ် စင်ကာပူနှင့် မလေးရှားနိုင်ငံအကြား တောင်တရုတ်ပင်လယ် အတွင်း၌ မီးလောင်မှု ဖြစ်ပွားခဲ့ခြင်းဖြစ်သည်။


သင်္ဘော၏အင်ဂျင်ခန်းမှ စတင် မီးလောင်ကျွမ်းခဲ့ပြီး လောင်ကျွမ်းပြီးနောက် သင်္ဘောမှာ နစ်မြုပ်သွားခြင်း မရှိခဲ့ကြောင်း၊ မီးလောင်မှုကြောင့် မြန်မာလူမျိုးကပ္ပတိန် အပါအ၀င် မြန်မာသင်္ဘောသား ၁၂ ဦး၊ မလေး ရှားနှစ်ဦး၊ အင်ဒိုနီးရှားတစ်ဦး၊ ဖိလစ်ပိုင်တစ်ဦးနှင့် သီရိလင်္ကာနှစ်ဦး၊ စုစုပေါင်းသင်္ဘောသား ၁၈ ဦးတို့ ထိခိုက်ဒဏ်ရာရရှိမှု မရှိဘဲ အချိန်မီ သင်္ဘောအား စွန့်ခွာနိုင်ခဲ့ကြောင်း သိရသည်။

အသက်ကယ်လှေဖြင့် သင်္ဘောမှစွန့်ခွာလာခဲ့သည့် သင်္ဘော သားများအား ကားကယ်ရီယာ တင်သင်္ဘော GOLIATH LEADER မှ ကယ်ဆယ်၍ စင်ကာပူနိုင်ငံသို့ ပို့ဆောင်ပေးခဲ့ကြောင်း သိရသည်။


သင်္ဘောမီးလောင်မှုကြောင့် သင်္ဘောသားများ၏ သင်္ဘောသား လက်မှတ် CDC ပတ်စ်ပို့အပါအ၀င် သင်္ဘောသားများ၏ ကိုယ်ပိုင်ပစ္စည်းများ ဆုံးရှုံးမှုရှိခဲ့ကြောင်း၊ လက်ရှိတွင် သင်္ဘောမီးလောင်စဉ် သင်္ဘောသားများ ဆုံးရှုံးခဲ့သည့် CDC အပါအ၀င် စာရွက်စာတမ်းများ၊ ကိုယ်ပိုင်ပစ္စည်း ဆုံးရှုံးမှုများကို ပြန်လည်ရရှိစေရန် သက်ဆိုင်ရာအဖွဲ့အစည်းများနှင့် ပူးပေါင်း၍ သင်္ဘောကုမ္ပဏီမှ လုပ်ဆောင်လျက် ရှိကြောင်း သိရသည်။

http://www.news-eleven.com

1 comments:

မောင်ဘကြိုင် said...

တော်သေးတာပေါ့ဗျာ ဘေးမသိရန်မခ လွတ်ခဲ့လို့
ပင်လယ်ပျော်တွေဘဝကလည်း မလွယ်ပါလားနော်