မြန်မာကျပ်ငွေတန်ဖိုး မြင့်တက်လာမှုနှင့် လက်ရှိဘဏ်တိုးနှုန်းမှာ မြင့်တက်နေကြောင်း

မြန်မာကျပ်ငွေတန်ဖိုး မြင့်တက်လာမှုနှင့် ဖြစ်ပေါ်နေသောဈေးကွက် အနေအထားများအရ လက်ရှိဘဏ်တိုးနှုန်းမှာ မြင့်မားနေသောကြောင့် လုပ်ငန်းရှင်များ ချိန်ဆလာကြကြောင်း သိရှိရသည်။

လက်ရှိအချိန်တွင် မြင့်တက်လျက်ရှိသော မြန်မာကျပ်ငွေတန်ဖိုး အနေအထားနှင့် စားသုံးသူဈေးနှုန်း ညွှန်းကိန်း(Purchasing Power Parity)၊ ဘဏ်တိုးနှုန်းနှင့် ပြင်ပငွေ တိုးနှုန်းအခြေအနေတို့အရ ချေးငွေ ရယူရန် တွက်ခြေကိုက်မှု နည်းပါးလာကြသည့်အတွက် စီးပွားရေးလုပ်ငန်းရှင်များ ချိန်ဆလာကြကြောင်းနှင့် ဖြစ်ပေါ်နေသောဈေးကွက် အသီးသီး၏ အနေအထားများ အရ လက်ရှိ ဘဏ်တိုးနှုန်းမှာမြင့်မား နေသည်ဟုသုံးသပ်မှုများလည်းရှိနေ ကြောင်း အဆိုပါ အသိုင်းအ၀ိုင်းထံမှ စုံစမ်းသိရှိရပါသည်။

"လုပ်ငန်းရှင်တွေအနေနဲ့ ချေးငွေရယူဖို့ စိတ်ဝင်စားပါတယ်။ ဒါကြောင့် တော်တော်များများကလည်း ချေးငွေတွေ ယူထားကြတယ်။ နောက်ထပ်ဘဏ်သစ်တေ ထပ်ပေါ်လာတော့လည်း ချေးငွေရယူနိုင်ဖို့ အခွင့်အလမ်းတွေတိုးလာတယ်လို့ ယူဆထားတာပါ။ ဒါပေမယ့် လက်ရှိကျပ်ငွေတန်ဖိုးအနေအထား၊ ထုတ်လုပ်မှုကုန်ကျစရိတ်အနေအ ထား၊ ငွေတိုးနှုန်းနဲ့ ငွေဖောင်းပွနှုန်း အခြေအနေတို့က ငွေချေးဖို့ မလွယ် တဲ့အနေအထားပါ။ မနှစ်က ချေးငွေကို ဒီနှစ်အနေအထားနဲ့ ပြန်ဆပ်ရင် ယေဘုယျအနေနဲ့ ရှုံးပါတယ်။ အရင်းအနှီးကို ကောင်းကောင်းလှည့် သုံးနိုင်သူတွေလောက်ပဲ အကျိုးအမြတ်ရှိမှာပါ။ အခုအခြေအနေနဲ့ ငွေချေးမယ်ဆိုရင် သေချာစဉ်းစားရမှာပါ။ နောက်နှစ်အခြေအနေကို အကဲခတ်ရတာလည်း အခက်အခဲရှိ ပါတယ်"ဟု စီးပွားရေးလုပ်ငန်းရှင် တစ်ဦးက ပြောကြားခဲ့ပါသည်။

"အခု ကျပ်ငွေဈေးနှုန်းကမြင့် နေတယ်။ ထုတ်လုပ်မှုကုန်ကျစရိတ်တွေ၊ သွင်းအားစုဈေးနှုန်းတွေက လည်း လျှော့လို့မရသေးဘူး။ ငွေတိုးနှုန်းကလည်း တစ်နှစ်ကို ၁၇ ရာခိုင်နှုန်း ၀န်းကျင်ရှိနေတယ်။ အရင်က ငွေဖောင်းပွနှုန်း တစ်ခုတည်းနဲ့တင် ငွေချေးယူဖို့ တွက်ခြေကိုက်တယ်လို့ ဆိုလို့ရတယ်။ အခုငွေကကျုံ့လာတယ်။ ကျပ်ငွေတန်ဖိုးမြင့်နေတယ်။ ငွေကြေးလည်ပတ်မှုက ပုံမှန်မဟုတ် ဘူး။ လုပ်ငန်းရှင် တချို့တလေ လောက်ကလွဲပြီး တခြားလုပ်ငန်းရှင် တွေကငွေကို လည်ပတ်အောင် မနည်းလုပ်နေရတဲ့ အခြေအနေမျိုးပါ။ ကျပ်ငွေတန်ဖိုးမြင့်တက်မှုက စီးပွားရေး အခြေအနေတစ်ရပ်လုံးကို ရိုက်ခတ်မှု ရှိနေတယ်။ ကိုယ့်ရဲ့ငွေကြေးလည်ပတ်မှု အဆင်ပြေအောင်လုပ်ဖို့က လည်း လက်ရှိအနေအထားအရ တွက်ခြေမကိုက်နိုင်ဘူး။ တွက်ဆရတာလည်း အခက်အခဲရှိပါတယ်။ ကျပ်ငွေတွေ ဈေးကွက်ထဲ စီးဝင်လာအောင်လုပ်မှပဲ အခြေအနေတိုးတက်လာ မှာပါ"ဟု အငြိမ်းစားစီးပွားရေး ပါမောက္ခတစ်ဦးက ရှင်းပြခဲ့ပါသည်။
ထုတ်လုပ်မှု ကုန်ကျစရိတ်တွေ၊ သွင်းအားစုဈေးနှုန်းတွေက လည်း လျှော့လို့မရသေးဘူး။ ငွေတိုးနှုန်းကလည်း တစ်နှစ်ကို ၁၇ ရာခိုင်နှုန်း ၀န်းကျင်ရှိနေတယ်။ အရင်က ငွေဖောင်းပွနှုန်း တစ်ခုတည်းနဲ့တင် ငွေချေးယူဖို့ တွက်ခြေကိုက်တယ်လို့ ဆိုလို့ရတယ်။ အခုငွေကကျုံ့လာတယ်။ ကျပ်ငွေတန်ဖိုးမြင့်နေတယ်။

"ဘဏ်ကနေ လုပ်ငန်းရှင်တွေ ကို ငွေချေးပေးတာကို ကျွန်တော်တို့ လုပ်ငန်းရှင်တွေအားလုံးက ကြိုဆို ပါတယ်။ ဒါပေမယ့် လက်ရှိအနေ အထားတွေအရဆိုရင် သင့်တင့်မျှတ တဲ့ အတိုးနှုန်းမျိုး ဖြစ်သင့်ပါတယ်။ တစ်ချိန်ကတော့ ၁၇ ရာခိုင်နှုန်းဆို တဲ့အတိုးကလုပ်ငန်းရှင်တွေအတွက် အလုပ်လုပ်ဖို့ အဆင်ပြေကောင်းပြေ မယ်။ ဒါပေမယ့် အခုမြန်မာကျပ်ငွေ တန်ဖိုးမြင့်ပြီး အရင်းအနှီးရှားပါးနေ တဲ့သာမန်လုပ်ငန်းရှင်တွေအဖို့တော့ အထောက်အပံ့ကောင်းတစ်ခု မဖြစ် နိုင်သေးပါဘူး။ ဒါကြောင့် ဘဏ် ချေးငွေရယူတဲ့လုပ်ငန်းရှင်တွေအနေနဲ့ ကတော့ ဒီထက် အတိုးနှုန်းလျှော့ချဖို့ မျှော်လင့်ပါတယ်"ဟု လုပ်ငန်းရှင် တစ်ဦးက ပြောပြခဲ့သည်။

"တကယ်တော့ inflation ကော၊ deflation ကော နှစ်ခုစလုံးက ရာခိုင်နှုန်းမြင့်မားရင် စီးပွားရေးလုပ်ငန်းတွေအတွက် မကောင်းပါဘူး။ inflation ဆိုတာလည်း ရှိတော့ ရှိရတယ်။ ဒါပေမယ့် နှစ် ရာခိုင်နှုန်း ကနေ ၁၀ ရာခိုင်နှုန်း ၀န်းကျင်ထက် မကျော်သင့်ဘူး။ deflation ဖြစ်လွန်းအားကြီးရင်လည်း ဈေးကွက်အနေ အထားကတစ်မျိုးဖြစ်သွားပါတယ်။ ဒါကြောင့် ရှိသင့်ရှိထိုက်တဲ့ ပမာဏ အတွင်းမှာပဲ ရှိနေတာကောင်းပါတယ်"ဟု စီးပွားရေးပညာရှင်တစ်ဦး က ပြောပြခဲ့သည်။

ယခုဖြစ်ပေါ်နေသော ကျပ်ငွေတန်ဖိုးမြင့်တက်လာခြင်း၊ ပို့ကုန်ကျ ဆင်းခြင်း၊ ထုတ်လုပ်မှုကုန်ကျ စရိတ်များမကျဆင်းသေးခြင်းစသည့် အခြေအနေများအပေါ် လုပ်ငန်းရှင် များက ပုံစံအမျိုးမျိုးဖြင့် ယူဆလျက် ရှိပြီး အဆိုပါယူဆချက်များတွင် ငွေကြေးဈေးကွက်အတွင်း ပို့ကုန် ၀င်ငွေများပြားနေခြင်း၊ သွင်းကုန် တင်သွင်းမှုလျော့နည်းနေခြင်း၊ အတိုးနှုန်းမြင့်မားနေခြင်း၊ ကုန်သွယ် ရေးအတားအဆီး များပြားခြင်း၊ ငွေဖောင်းပွမှုနှုန်းလျော့နည်းလာခြင်း၊ ငွေကြေးလည်ပတ်မှု ပုံမှန်မဖြစ်ခြင်း၊ လုပ်ငန်းရှင်အများစုတွင် အရင်းအနှီး နည်းပါးနေခြင်း၊ အခြေခံအဆောက်အဦဆိုင်ရာ သွင်းအားစုများအတွက် ငွေကုန်ကြေးကျများပြားခြင်း၊ ယှဉ် ပြိုင်နိုင်စွမ်းနည်းပါးခြင်း စသည့် အခြေအနေများ ပါဝင်နေကြောင်း သိရှိရပါသည်။

အခြားတစ်ဖက်တွင်လည်း ရေနံနှင့်သဘာဝဓာတ်ငွေ့၊ ကျောက်မျက်၊ သတ္တုအမျိုးမျိုးတုိ့ဖြင့် နိုင်ငံခြားငွေ အများအပြားရရှိလျက်ရှိပြီး ဘဏ္ဍာငွေရရှိမှု မြင့်မားနေကြောင်း၊ ထို့ပြင်နိုင်ငံပိုင် စီးပွားရေးလုပ်ငန်းအချို့၊ အဆောက်အအုံအချို့ကို ပုဂ္ဂလိကကဏ္ဍသို့ လွှဲပြောင်းရောင်း ချခြင်း၊ တရားမ၀င် မော်တော်ယာဉ် များအားတရားဝင်အဖြစ် လေလံ ပစ်၍ရောင်းချပေးခြင်း၊ ကာလ တန်ဖိုးသတ်မှတ်ပြီး အခွန်ပေးဆောင်စေခြင်း စသည့်လုပ်ဆောင်မှုများကြောင့် ပုဂ္ဂလိက ကဏ္ဍမှငွေကြေးများ၊ အရင်းအနှီးများသည် နိုင်ငံပိုင် ဘဏ္ဍာငွေအဖြစ် စီးဝင်သွားခဲ့ကြောင်း၊ ထို့အတူ နိုင်ငံအဆင့် တည်ဆောက်ရေး လုပ်ငန်းအချို့ ပြီးစီးပြီဖြစ်ခြင်းကြောင့် အသုံးစရိတ်များ လျော့ကျလာပြီး လာမည့်ဘဏ္ဍာရေးနှစ်သို့ ကူးပြောင်းရာ၌ ရသုံးငွေ ဘဏ္ဍာရေးရှင်းတမ်း တွင် ပိုငွေပြပြီးကူးပြောင်းနိုင်သည့် အခြေအနေဖြစ်နေကြောင်းနှင့် ၂၀၁၀အလွန်တွင် အဆိုပါစုဆောင်း ထားသောငွေကြေးအရင်းအနှီးများ ဈေးကွက်အတွင်းသို့ တစ်နည်းနည်း ဖြင့် ပြန်လည်စီးဝင်လာမည်ဟု ယူဆကြောင်း ပညာရှင်များက သုံးသပ်ခဲ့ပါသည်။

http://www.news-eleven.com/