Wednesday, September 22, 2010

သင့်မျက်လုံးကိုငှားပေးလိုက်ပါလား


မြန်မာပြည်သားများဟာ အလှူအတန်း ရက်ရောတာကတော့ ထင်ရှားပါတယ်။ ဒါကြောင့် ထူးဆန်းတဲ့ အလှူဒါနတစ်ခု အကြောင်း ပြောပြပါရစေ။ အဲဒီအလှူက ငွေကုန်ကြေး ကျလည်းမရှိဘူး။ ကိုယ့်ရဲ့ အားလပ်ချိန်မှာ တတ်နိုင်သမျှလေး လုပ်သွားပေးရုံပဲ ဖြစ်ပါတယ်။ အချိန်ကလေး နည်းနည်းလေးပေးဖို့ပဲ လိုအပ်တာပါ။ အဲဒီအလှူကတော့ ရန်ကုန်၊ မျက်မမြင်ကျောင်း (ခဝဲခြံ)က မျက်မမြင်တွေ အတွက် အသံ အလှူဒါနပဲဖြစ်ပါတယ်။ ရန်ကုန်၊ မျက်မမြင်ကျောင်း (ခဝဲခြံ)မှာ ဒီနှစ်မူလတန်းကနေ အထက်တန်း အဆင့်အထိ ကျောင်းသားပေါင်း (၇၉)ဦး၊ အသက်မွေးဝမ်းကျောင်း လက်မှုပညာ သင်ကြားနေတဲ့ ကျောင်းသား (၇၉)ဦး ရှိပါတယ်။ အဲဒီမျက်မမြင် ကျောင်းသားတွေကို စာဖတ်နိုင်အောင်လို့ စီမံထားတဲ့ မျက်မမြင်စာအုပ် ဆိုတာတွေက ရှိပေမဲ့ စာအုပ်တွေက အထူကြီးတွေပါ။ လုံးချင်းဝတ္ထုတွေလို စာအုပ်မျိုးတွေ ဆိုတော့ မျက်မမြင်စာအုပ်ထုထ်ဖို့ အခက်အခဲတွေ ရှိနေပါတယ်။ အဲဒီအတွက် စကားပြောစာအုပ် (Talking Book) အဖြစ်နဲ့ ထုတ်ဝေဖို့ စီစဉ်ထားပါတယ်။
လစဉ်ထုတ်မဂ္ဂဇင်းတွေ၊ စာစောင်တွေ၊ သုတရသစာအုပ်တွေ မျက်မမြင် ကျောင်းသားတွေ အတွက် Talking Book အဖြစ် ပြောင်းလဲ ထုတ်ပေးနေပြီ ဖြစ်ပါတယ်။ အဲဒီလို Talking Book တွေထုတ်ပေးနေတဲ့ နေရာမှာ ကျောင်းရှိ ဝန်ထမ်းအင်အားနဲ့ မလုံလောက်တဲ့ အတွက် အသံအလှူရှင်တွေ ဖိတ်ခေါ်နေပါတယ်။ အသံလှူချင်သူများအနေနဲ့ ကိုယ်ပေးနိုင်တဲ့ အချိန်ပေါ်မှာ မူတည်ပြီး မျက်မမြင်ကျောင်းမှာရှိတဲ့ အသံသွင်းခန်းမမှာ သွားရောက်ပြီး အသံဒါန ပြုနိုင်ကြပါတယ်။ Talking Book ပြောင်းလဲပေးရမယ့် စာအုပ်တွေလည်း မျက်မမြင်ကျောင်းမှာ အဆင်သင့်ရှိနေပြီးသားပါ။ အသံအလှူရှင်က ကိုယ်တတ်နိုင်တဲ့ အချိန်ပေါ်မူတည်ပြီး ဆောင်းပါးတစ်ပုဒ်ချင်း၊ ဝတ္ထုတစ်ပုဒ်ချင်းက စပြီး လုံးချင်းစာအုပ်တွေ အထိ ဖတ်ပေးနိုင်ကြပါတယ်။ မျက်မမြင်ကျောင်းကို မသွားရောက်နိုင်တဲ့ အလှူရှင်တွေအနေနဲ့ မိမိအစီအစဉ်ဖြင့်သွင်းပြီး အသံဖိုင်ကိုလည်း လှူဒါန်းနိုင်ကြပါတယ်။ အဲဒီလို အသံသွင်းပြီး လှူမယ်ဆိုရင်တော့ အသံအရည်အသွေး ကောင်းမွန်ဖို့ကို ဂရုစိုက်ကြရမှာ ဖြစ်ပါတယ်။ ဒီလိုမျိုး ကိုယ့်မျက်လုံးနဲ့ဖတ်ပြီး မမြင်ရတဲ့သူတွေအတွက် အသံဒါနကို ပြုချင်တယ်။ အသေးစိတ် အကြောင်းအရာကို သိချင်တယ်ဆိုရင် ရန်ကုန် မျက်မမြင်ကျောင်း (ခဝဲခြံ)၊ အမှတ်(၁၆၅) ဗဟိုလမ်း၊ (၂)ရပ်ကွက်၊ မရမ်းကုန်းမြို့နယ်၊ ရန်ကုန်မြို့၊ ဖုန်း (ဝ၁-၆၆၁၆၈၉၊၆၆၂ဝ၃၄)၊ Email: mcfb@mpt mail.net.mm ဆက်သွယ် စုံစမ်းနိုင်ပါတယ်။ www. mcfblind.com ဝက်ဘ်ဆိုက်မှာလည်း လေ့လာကြည့်နိုင်ပါတယ်။ အဲဒီတော့ ကိုယ့်မျက်လုံးကို ခဏလေး ငှားပြီး မျက်မမြင်တွေ အတွက် အသံဒါနပြုလိုက်ကြပါဦး။


ဝင်းမျိုးမင်း


6 comments:

blackကော်ဖီ said...

တကယ်ကောင်းတဲ့ ဒါနလေးပါ။ ကျွန်တော်တို့ ကတော့ အဝေးရောက်နေတဲ့ အတွက် မလှူဒါန်း နိုင်လို့ သူများတွေ လှူတာကိုပဲ သတင်းစောင့် နားထောင်ရတော့မယ်။ ကူညီမဲ့သူတွေ မြန်မြန်ရောက်ပါစေလို့ ဆုတောင်းပေးလိုက်ပါတယ်။

ကိုဇော် said...

စိတ်ဝင်တစားကို လုပ်ပေးချင်ပါတယ်။
သို့သော် အခုတော့ မဖြစ်နိုင်သေးဘူး။
အသံကတော့ ကောင်းပြီးသားပါပဲ။

သဒ္ဓါလှိုင်း said...

ဒီလိုအလှူမျိုးကိုလှူချင်ပေမဲ့ အဝေးမှာမို့လို့
မကူညီနိုင်ဘူးဖြစ်နေပြီ..။ မျှဝေပေးတာ
ကျေးဇူးပါ..။
ကျန်းမာရွှင်လန်းပါစေရှင်..။
ခင်မင်စွာ
သဒ္ဓါ

မောင်မျိုး said...

မင်း အသံဖိုင်နဲ့ဖတ်ပြီး ပို့လိုက်ပေါ့ မင်းအသံကကောင်းတာပဲ ဒါမှ နောင်ဘ၀ ရုပ်ချောချောလေးဖြစ်မှား)

ဂျစ်တူး ( မုံရွာ ) said...

သာဓု သာဓု သာဓု - - - -
အဝေးကိုရောက်နေတော့လည်းစိတ်သွားတိုင်းကိုယ်မပါဘူး
လေ-အဲလိုပြောတော့အပိုပြောဖြစ်ရော - - -
သာဓု သာဓု သာဓု ခေါ်ပါတယ်ခင်ဗျားလို့ဘဲပြောခဲ့ပါရစေ

ပြတိုက်လေး said...

မေပယ်လ်ခုကြည့်နေတဲ့ မျက်မှန်၂လက်တော့ ရှိတယ်..
တစ်လက်ကို လှူမယ်လေ..:)