တစ်မိနစ် ၂၅ ကျပ်နှုန်းဖြင့်သာ ဖုန်းခေါ်ဆိုခ ပေးဆောင်ရသည့် မိုဘိုင်းဖုန်းများကို GSM၊ CDMA 450၊ CDMA 800 ငါးသိန်းဖုန်းများဖြင့် လဲလှယ်ပေးရန် စီစဉ်

တစ်မိနစ်လျှင် တယ်လီဖုန်း ခေါ်ဆိုခ ၂၅ ကျပ်နှုန်းဖြင့် ပေးဆောင်ရသည့် မိုဘိုင်းဖုန်းများကို GSM၊ ကမ်းရိုးတန်းဖုန်း(CDMA 450 MHz) နှင့်ငါးသိန်းတန်ဖုန်း (CDMA800 MHz)များဖြင့် လဲလှယ်ပေးနိုင်ရန် စီစဉ်လျက်ရှိကြောင်း ဆက်သွယ်ရေးဆိုင်ရာ ကုမ္ပဏီများထံမှ စုံစမ်းသိရှိရသည်။

လက်ရှိအချိန်၌ ဖုန်းခေါ်ဆိုခ တစ်မိနစ်လျင် ငွေကျပ် ၂၅ နှုန်းဖြင့် ပေးဆောင်နေရသည့် ဖုန်းများမှာဆယ်လူလာဖုန်းနှင့် ခြင်းဖုန်းများဖြစ်ကြောင်း၊ ၎င်းဖုန်းများကို တစ်မိနစ်လျင် တယ်လီဖုန်းခေါ်ဆိုခ ငွေကျပ် ၅၀ နှုန်းဖြင့်ပေးဆောင်ရ သည့် GSM ဖုန်း၊ ကမ်းရိုးတန်း ဖုန်းနှင့် ငါးသိန်းဖုန်းများဖြင့် လဲလှယ်ပေးသွားရန် အစီအစဉ်ရှိ ကြောင်း အဆိုပါကုမ္ပဏီများထံမှ သိရှိရသည်။

"သြဂုတ်လအတွင်းမှာ ဆယ် လူလာဖုန်းတွေကို ကမ်းရိုးတန်းဖုန်း (CDMA 450 MHz) ဖုန်းတွေနဲ့ လဲလှယ်ပေးဖို့စီစဉ်ခဲ့ပြီး ၀န်ကြီးဌာနခွင့်ပြုမိန့်ပါရှိတဲ့ ဆယ်လူလာဖုန်း အချို့ကို စတင်လဲလှယ်ပေးခဲ့ပါတယ်။ နောက်ပိုင်းမှာအများ ပြည်သူသုံးစွဲနေတဲ့ ဆယ်လူလာဖုန်း အနည်းငယ်ကို ကမ်းရိုးတန်းဖုန်း နဲ့လဲလှယ်ပေးပြီး နောက်ပိုင်းမှာ ဆယ်လူလာဖုန်းတွေကို ကမ်းရိုးတန်းဖုန်းတွေနဲ့ လဲလှယ်ပေးမှု ယာယီရပ်ဆိုင်းထားတယ်လို့ သိရပါတယ်"ဟု ရန်ကုန်မြို့ရှိ ဆက် သွယ်ရေးဆိုင်ရာ ကုမ္ပဏီတစ်ခုမှ တာဝန်ရှိသူတစ်ဦးက ပြောကြား ခဲ့သည်။

"စက်တင်ဘာလဆန်းမှာ ၇၂ နံပါတ်နဲ့ စတင်တဲ့ ခြင်းဖုန်းတွေကို ငါးသိန်းဖုန်းအပြင် GSM, CDMA ဖုန်းတွေနဲ့ အစားထိုးလဲလှယ်ပေးမှုတွေ ပြုလုပ်ခဲ့ပါတယ်"ဟု ၎င်းက ဆက်လက်ပြောကြားခဲ့သည်။ အဆိုပါခြင်းဖုန်းများကို ငါးသိန်းဖုန်းများဖြင့် လဲလှယ်မည်ဆိုပါက အပိုငွေထပ်မံပေးဆောင်ရန်မလိုဘဲ အခြား GSM နှင့် ကမ်းရိုးတန်းဖုန်းများဖြင့် လဲလှယ်မည်ဆိုပါကငွေကျပ် ၅သိန်း ထပ်မံပေးဆောင်ရမည် ဖြစ်ကြောင်းသိရှိရသည်။

၂၀၁၀ ခုနှစ် ဇူလိုင်လလအထိ GSM တယ်လီဖုန်း ၄၉၄၃၀၀ လုံး၊ CDMA (Mobile) တယ်လီဖုန်း ၅၄၅၆၅၀ လုံး၊ CDMA800တယ် လီဖုန်း ၁၅၀၀၀၀ လုံး၊ CDMA (Fixed) တယ်လီဖုန်း ၂၀၀၃၈လုံး၊WCDMA တယ်လီဖုန်း အလုံးရေ ၂၈၀၀၀လုံးချထားပေးပြီးဖြစ်ကြောင်း သိရှိရသည်။

http://www.news-eleven.com/