ပြည်ပရောက် မြန်မာလူမျိုး အိမ်ထောင်ရှင်အချို့ မိသားစုအား ပြန်မဆက်သွယ်တော့သည့် ဖြစ်ရပ်များ ယခင်ထက်ပိုမိုလာ

ပြည်ပနိုင်ငံများသို့ သွားရောက် အလုပ်လုပ်ကိုင်လျက်ရှိသည့် မြန်မာအချို့ ရိုးရာဓလေ့ထုံးတမ်း အစဉ်အလာများကို အလေးထား ထိန်းသိမ်းစောင့်ရှောက်ရန် လိုအပ်လာနေပြီဖြစ်ပြီး ပြည်ပရောက် မြန်မာလူမျိုး အိမ်ထောင်ရှင်အချို့ မိသားစုအား ပြန်မဆက်သွယ်တော့သည့် ဖြစ်ရပ်များ ယခင်ကထက် ပိုမိုလာကြောင်း ကိုယ်တိုင်ကြုံတွေ့ခဲ့သူများထံမှ သိရှိရသည်။

ပြည်ပသို့ သွားရောက် အလုပ်လုပ်ကိုင်လျက်ရှိသည့် မြန်မာအမျိုးသား၊ အမျိုးသမီးအချို့မှာ မြန်မာ့ဓလေ့၊ ယဉ်ကျေးမှုနှင့် လူမှုရေးအစဉ်အလာကောင်းများကို လျစ်လျူရှုမှုများ ပြုလုပ်လာကြောင်း သိရှိရပါသည်။

"ကျွန်မအမျိုးသားက မလေးရှားမှာသွားပြီး အလုပ်လုပ်နေတာ အခုဆိုရင် လေးနှစ်ကျော်သွားပါပြီ။ ပထမတစ်နှစ်ခွဲအထိတော့ အိမ်ကို ငွေမှန်မှန်ပို့ပေးပြီး အဆက်အသွယ်လည်း လုပ်ပါတယ်။ နောက်ပိုင်းကျ ငွေလည်း မပို့တော့သလို အဆက်အ သွယ်လည်း လုံးဝမရတော့ပါဘူး။ ကျွန်မတို့လည်း စိတ်ပူပြီး နီးစပ်ရာတွေဆီမှာ လှမ်းမေးပြီး စုံစမ်းကြည့်တော့ အလုပ်အကိုင်လည်း အဆင်ပြေနေပြီး ဟိုမှာပဲ အလုပ်ထဲက အမျိုးသမီးတစ်ယောက်နဲ့ အိမ်ထောင်ပြုလိုက်ပြီဆိုတာ သိလိုက်ရတယ်"ဟု ကျောင်းနေအရွယ် ကလေးသုံးဦး၏ မိခင်တစ်ဦးက ပြောပြခဲ့ပါသည်။

နိုင်ငံခြားမှာ ရေကြည်ရာ မြက်နုရာသွားပြီး အလုပ်လုပ်နေကြရပေမယ့် ဘယ်နေရာကိုပဲ ရောက်ရောက် မြန်မာဆိုတဲ့ ဝေါဟာရကိုတော့ မမေ့သင့်ပါဘူး . . .

"နိုင်ငံခြားမှာ ရေကြည်ရာမြက်နုရာသွားပြီး အလုပ်လုပ်နေကြရပေမယ့် ဘယ်နေရာကိုပဲရောက်ရောက် မြန်မာဆိုတဲ့ ဝေါဟာရကိုတော့ မမေ့သင့်ပါဘူး။ ၀တ်စားဆင်ယင်မှုကတော့ အခြေအနေအရ ပြောင်းလဲပြီး လိုက်လျောညီထွေ ၀တ်ဆင်ရပေမယ့် ကိုယ့်နိုင်ငံ၊ ကိုယ့်လူမျိုးရဲ့ လူမှုကျင့်ဝတ်သိက္ခာတွေကို စောင့်ထိန်းဖို့က အရေးကြီးပါတယ်။ သွားတုန်းကတော့ မိသားစုအတွက် ပိုက်ဆံရှာဖို့ သွားကြပေမယ့် ဟိုရောက်တော့ လိုရင်းပျောက်သွားတဲ့ အဖြစ်တွေ အများကြီးရှိပါတယ်။ မိဘတွေ၊ မိ သားစုတွေ အတွက်တော့ တကယ်ရင်နာစရာ အဖြစ်မျိုးတွေပါပဲ" မလေးရှားနိုင်ငံ၌ ရှစ်နှစ်ကြာ သွားရောက် အလုပ်လုပ်ကိုင်ခဲ့ပြီး မကြာသေးမီက ပြန်ရောက်လာသူတစ်ဦးက ပြောပြခဲ့ပါသည်။

"အသိ ကောင်မလေးတစ်ယောက်ဆိုရင် work permit နဲ့ တရားဝင်သွား အလုပ်လုပ်နေတာပါ။ သူ့ကောင်လေးက overstay အနေနဲ့ နေရတာ၊ သူတို့နှစ်ယောက် အတူနေဖို့ဆိုပြီး ကောင်မလေးကပါ overstay လုပ်လိုက်တယ်။ မကြာခင် ကောင်မလေး အဖမ်းခံရပြီး ထောင်ကျသွားတော့ ကောင်လေးက ထွက်ပြေးသွားတယ်။ ယေဘုယျအားဖြင့် ပြည်ပမှာသွားပြီး အလုပ်လုပ်နေကြတဲ့ မြန်မာအများစုမှာက ဒီလိုဖြစ်ရပ်မျိုးတွေကို အိမ်ထောင်ရေးနဲ့ပတ်သက်တဲ့ ကျင့်ဝတ် သိက္ခာနဲ့ ကျန်းမာရေးဗဟုသုတ နည်းပါးတဲ့သူတွေမှာ ဖြစ်နေတာကို တွေ့နေရပါတယ်"ဟု မလေးရှားနိုင်ငံ၌ လက်ရှိအလုပ်လုပ်ကိုင်လျက်ရှိသူ မအေးသီတာက ဆက်သွယ်ဖြေကြားခဲ့ပါသည်။

"တချို့ အမျိုးသားအိမ်ထောင်ဦးစီးတွေဆိုရင်လည်း စသွားတုန်းကတော့ မိသားစုအတွက်ဆိုပြီး သွားကြတာပါ။ နောက်ပိုင်း အလုပ်လုပ်နေကြတဲ့ သူတွေအချင်းချင်း ပြန်ပြီး လက်ထပ်ကြတာတွေ ရှိလာတော့ မိသားစုတွေဆီ ပြန်မဆက်သွယ်ကြ တော့လို့ ရင်မောနေကြရတဲ့ မိဘ၊ ညီအစ်ကို မောင်နှမ၊ သားသမီးတွေ အိမ်ရှင်မတွေလည်း အများကြီးရှိနေပါပြီ"ဟု ၎င်းက ဆက်လက်ပြောပြခဲ့ပါသည်။

"နိုင်ငံခြားသွားပြီး အလုပ်လုပ်နေပြီးမှ အိမ်ထောင်ပြိုကွဲသွားကြတဲ့ အထဲမှာ အမျိုးသားတွေအပြင် အမျိုးသမီးတွေလည်း ပါကြပါတယ်။ တချို့ဆိုရင် နိုင်ငံခြားမှာ အလုပ်လုပ်နေရင်းနဲ့ အိမ်ထောင် ထပ်ပြုလိုက်တာမျိုးတွေ ရှိပါတယ်။ အဲဒီအဖြစ်တွေကို နီးစပ်ရာတွေက မိသားစုတွေဆီ မေးလ်တွေ၊ ဖုန်းတွေဆက်ပြီး သက်သေအထောက်အထားတွေနဲ့ လှမ်းအကြောင်းကြား အသိပေးတာတွေ လုပ်ကြတဲ့အခါ ကွာရှင်းပြတ်စဲကြတဲ့ အဖြစ်မျိုးတွေ အရင်ကထက် ပိုများလာကြပါတယ်။ ဒီလို မိသားစုကွဲ သွားတာ၊ မိသားစုနဲ့ မဆက်သွယ်တော့တာတွေက အရင်ကထက်စာရင် အခု ပိုများလာတာကို တွေ့နေရပါတယ်။ မဆက်သွယ်တဲ့ အကြောင်းရင်းတွေကတော့ လူပုဂ္ဂိုလ်တစ်ဦးချင်းပေါ် မူတည်ပြီး ကွဲပြားနိုင်ပါတယ်။ ဒီလို အဖြစ်တွေ မဖြစ်အောင် မိမိ မိသားစု တိုးတက်ရာတိုးတက်ကြောင်းအတွက် နိုင်ငံရပ်ခြားကို လာရောက်ရတယ်ဆိုတဲ့ ရည်ရွယ်ချက်ကို မမေ့ဖို့လိုအပ်ပါတယ်"ဟု အဆိုပါဖြစ်ရပ်များနှင့် နီးစပ်သူတစ်ဦးက ပြောကြားခဲ့ပါသည်။