စက္ကန့် ၃၀ ၊ မိနစ် ၃၀

တရုတ်ပြည်မှ နှလုံးသွေးကြော သုတေသနအဖွဲ့ အဖွဲ့ခေါင်းဆောင် ဟုန်ကျောင်းကွမ်း-က
နှလုံးသွေးတိုး၊ လေဖြတ် ရောဂါကင်းဝေးဖို့ အဓိကအကျဆုံး အချက်နှစ်ချက် ပြောပါတယ်။
ပထမအချက်က စက္ကန့်သုံးဆယ် သတိထား။
ဒုတိယအချက်က မိနစ်သုံးဆယ် လိုက်နာဖွယ်-တဲ့။

ဆေးသိပ္ပံဆရာတွေ ပြောတာကတော့ လူတွေဟာ နေ့လယ်နေ့ခင်းမှာ နှလုံးခုန်နှုန်း ပုံမှန်ပဲတဲ့။
ညပိုင်းရောက်လာရင် လူအတော်များများဟာ နှလုံးသွေးအား လျော့နည်းသွားတတ်တာ တွေ့ရသတဲ့။ ဒါကြောင့် အိပ်ရာက နိုးနိုးချင်း ကုတင်ပေါ်က ချက်ချင်း မထပါနဲ့တဲ့။ စက္ကန့်သုံးဆယ်လောက် သတိကလေးနဲ့ အိပ်ရာထဲ လှဲနေပါတဲ့။
ပြီးတော့ စက္ကန့်သုံးဆယ်ကြာ အိပ်ရာပေါ် ထထိုင်လိုက်ပါတဲ့။
ပြီးမှ ကုတင်ပေါ်ကနေ ခြေထောက်တွဲလွဲ စက္ကန့်သုံးဆယ်ကြာ ချလိုက်ပါတဲ့။ အဲဒီလို ခြေတွဲလွဲချလို့ စက္ကန့်သုံးဆယ်လောက်လည်းရှိရော မိမိလိုရာ သွားပါ။ လုပ်ကိုင်ပါတဲ့။

သိပ်မှန်ပါတယ်။
မော်တော်ကား အင်ဂျင်လို့ပေါ့။ တညလုံး အေးနေအောင် ရပ်ထားတဲ့ အင်ဂျင်စက်ကို နံနက်ခင်း စက်နှိုး၊ ချက်ချင်းကြီး မောင်းမရသလိုပေါ့။ အင်ဂျင်ကိုနှိုး၊ ဆီ ရေ လေ အလိုက် မှန်လာအောင်စောင့်၊ စက်အရှိန်ကလေး ရလာမှ မောင်းသင့်သလိုပေါ့။

ဟုတ်ပါတယ် လူလည်း ဒီအတိုင်းပါပဲ။
တညလုံး လှဲအိပ်နေရာက ချက်ချင်းကြီး ထလှုပ်ရှားလိုက်တော့ ဦးနှောက်ပိုင်း သွေးအရောက်နည်းနေတာရယ်၊ အိပ်ချင်မူးမူးနဲ့ဆိုတော့ အရွယ်ကောင်းတုန်းမှာ မသိသာပေမယ့် အသက်အရွယ်ကလေး ၅၀-ကျော် ၆၀-ရောက်လာရင် သတိလစ် လဲကျနိုင်ပါတယ်။ အဲဒီလို စက္ကန့်သုံးဆယ်ကလေးကို သတိထား ဆင်ခြင်လိုက်ရင် လေဖြတ်တာတို့၊ နှလံးသွေးကြော ပိတ်တာတို့၊ ရုတ်တရက် မူးဝေလဲကျတာတို့ ကင်းဝေးတာပေါ့။

အိပ်ရာကနိုးနိုးချင်း ချက်ချင်း မထရဘူး။ စက္ကန့်သုံးဆယ်ကြာအောင် အိပ်ရာထဲ လှဲနေပါ။
စက္ကန့်သုံးဆယ်လောက် ကြာတော့ ကုတင်ပေါ်မှာ စက္ကန့်သုံးဆယ်ကြာအောင် ထိုင်လိုက်ပါ။
စက္ကန့်သုံးဆယ်လောက်လဲ ထိုင်ပြီးရော ကုတင်ပေါ်က ခြေတွဲလွဲချ၊ စက္ကန့်သုံးဆယ်ကြာအောင်စောင့်။
စက္ကန့်သုံးဆယ်လဲပြည့်ရော လိုရာသွား။

စက္ကန့်သုံးဆယ်ဆိုတော့ တစ်ကနေ သုံးဆယ်လောက် စိတ်ထဲက ရေတွက်လိုက်လည်း ဖြစ်တာပါပဲ။
ဗုဒ္ဓဘာသာ မြန်မာလူမျိုးတွေအတွက်တော့ ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ၊ သရဏဂုံ ၃-ခေါက် ရွတ်လိုက်ရင် စက္ကန့်သုံးဆယ် ပြည့်သွားပါမယ်။ ကုသိုလ်လည်းရ သမာဓိလည်း ရပေါ့။


မိနစ်သုံးဆယ် လိုက်နာဖွယ် ဆိုတာက-
(၁) နံနက် အိပ်ရာက ထအပြီးမှာ မိမိတို့နေတဲ့ အရပ်ဒေသ ရာသီဥတု၊ မိမိ၏ အသက်အရွယ်ကို ချင့်ပြီး ကိုယ်လက်လှုပ်ရှား အားကစား မိနစ်သုံးဆယ် (နာရီဝက်) လုပ်ပါတဲ့။
နွေဦးကာလ နေပူရှိန်ပြင်းနေတုန်း အရွယ်ကလည်း ၆၀-ကျော် ၇၀-နီးပါးအရွယ်ဆိုရင် သိပ် ပြင်းပြင်း ထန်ထန် လှုပ်ရှားမှုတွေ မလုပ်ရဘူးပေါ့။
တံမြက်လှည်းတာတို့၊ ပန်းပင်ရေလောင်းတာတို့၊ လမ်းဖြည်းဖြည်းလျှောက်တာတို့ အနည်းဆုံး နာရီဝက် ပြုလုပ်ပါတဲ့။

(၂) အဲဒီလို နံနက်အိပ်ရာထအပြီး ကိုယ်လက်လှုပ်ရှား အားကစားလုပ်ပြီးတော့ နေ့လယ်နေ့ခင်းမှာ နာရီဝက် အိပ်စက်အနားယူပါတဲ့။
သက်ကြီးရွယ်အိုများဟာ အအိပ်အနေ နည်းပါတယ်။ စောစောလည်းထကြတော့ နေ့လယ်နေ့ခင်း နာရီဝက်လောက်တော့ အနားယူပါတဲ့။ အကောင်းဆုံးကတော့ ထမင်းစားသောက်ပြီး နာရီဝက်ခန့် အိပ်သင့်ပါတယ်။
( ကျန်းမာချင်ရင် အလုပ်နဲ့လက် မပြတ်စေနဲ့၊ အားတဲ့အခါ လမ်းလျှောက်ပေး၊ နေ့လယ်နေ့ခင်း ထမင်းစားပြီးတဲ့အခါ နာရီဝက်လောက်တော့ အနားယူအိပ်စက်ပါ)။တဲ့

(၃) တတိယအချက်က ညနေစောင်း ၅-နာရီခွဲ ၆-နာရီလောက်ကျတော့ မိနစ်သုံးဆယ် ခြေကျင်လမ်းလျှောက်ပေးပါတဲ့။ အဲဒီလို လိုက်နာကျင့်သုံးသွားမယ်ဆိုရင် နှလုံးသွေးကြောပိတ် ရောဂါ၊ သွေးတိုးရောဂါ၊ လေဖြတ်တာ ကင်းဝေးပါစေမယ်လို့ တရုတ်ပြည် နှလုံးသွေးကြော သုတေသနအဖွဲ့ ခေါင်းဆောင် ပါမောက္ခ ဒေါက်တာ ဟုန်ကျောင်းကွမ်း-က အာမခံပါသတဲ့။


ဗုဒ္ဓရှင်တော်မြတ်ကလည်း လွန်ခဲ့တဲ့ နှစ်ပေါင်း ၂၅၀၀-ကျော်လောက်ကတိုင် ဟောတော်မူခဲ့ပါတယ်။
ခရီးသွားနိုင်၊ ကြံခိုင်အင်အား၊ ကင်းငြားရောဂါ၊ အစာကြေညက်၊ မပျက်သမာဓိ၊ ငါးပါးရှိ၊ မှတ်သိစင်္ကြအကျိုးတည်း။ တဲ့
ကမ္ဘာသိပ္ပံ ပညာရှင်တွေ၊ ဆေးပညာရှင်တွေက လူတွေ ကျန်းမာဖို့ အသက်ရှည်ဖို့ အနာရောဂါကင်းဝေးဖို့ အမြဲကြံစည်အားထုတ် ရှာဖွေစမ်းသပ်နေကြသည်။ အခုတွေ့ရှိချက်ကလေးတွေသည် ပေါ့သေးသေး မဟုတ်ပါ။ အလွန်တန်ဖိုးကြီးပါသည်။

မကွေးဝင်းမြင့် ဆောင်းပါးမှ အချုပ်ဖော်ပြလိုက်သည်။
မော်လူး