တောင်အာဖရိက ဟိုတယ်အလုပ်သမားများက ကိုလံဘီယာဘောလုံးအသင်းထံမှ ငွေကို ခိုးယူ

၂၈ မေ ၂၀၁၀
ဟိုတယ်အလုပ်သမားနှစ်ဦးသည် တောင်အာဖရိကနိုင်ငံတွင် ကမ္ဘာ့ဖလားအိမ်ရှင်အသင်းနှင့် ချစ်ကြည်ရေးခြေစမ်းပွဲ ယှဉ်ပြိုင်ကစားရန် ရောက်ရှိနေသည့် ကိုလံဘီယာဘောလုံးအသင်း ကစားသမားများထံမှ ငွေကို ခိုးယူခဲ့ကြောင်း ရဲက ပြောဆိုသည်။

သောကြာနေ့တွင် ပြောရေးဆိုခွင့်ရှိသူ ရဲအရာရှိ ယူဂျင်းအိုပါမန်က ပြောကြားရာ၌ ကိုလံဘီယာဘောလုံးသမားများ အင်္ဂါနေ့တွင် လေ့ကျင့်ခန်းဆင်းနေစဉ်အတွင်း သူတို့တည်းခိုသည့် ဟိုတယ်အခန်းများအား သန့်ရှင်းရေးလုပ်သည်ကို ခံရကြောင်းနှင့် လေ့ကျင့်ခန်းဆင်းပြီး ဟိုတယ်သို့ ပြန်အလာတွင် ငွေကြေးများ ပျောက်ဆုံးနေသည်ကို တွေ့ရှိရကြောင်း ပြောဆိုသည်။

ဟိုတယ်အလုပ်သမားနှစ်ဦးကို ကြာသပတေးနေ့တွင် ခိုးမှုစွပ်စွဲချက်များဖြင့် တရားရုံးထုတ်ခဲ့ကြောင်း အိုပါမန်က ပြောဆိုသည်။ တတိယတဦးကိုလည်း ဖမ်းဆီးခဲ့ပြီး ခိုးမှုတွင် ပါဝင်ပတ်သက်မှုမရှိကြောင်း သိရပြီးနောက် နောက်ပိုင်းတွင် ပြန်လွှတ်ပေးခဲ့သည်။

အဆိုပါ အမှုအခင်းသည် ဂျိုဟန်နက်စ်ဘတ်မြို့မြောက်ပိုင်း ဆင်ခြေဖုံးရှိ ကြယ်ငါးပွင့်ဟိုတယ်တခုတွင် ဖြစ်ပွားခဲ့ခြင်းဖြစ်သည်။ စလိုဗေးနီးယားအသင်းသည်လည်း ကမ္ဘာ့ဖလားဘောလုံးပြိုင်ပွဲအတွင်း အဆိုပါဟိုတယ်တွင် တည်းခိုရန် ရက်ချိတ်ထားပြီး ဇွန်လ (၈) ရက်နေ့တွင် ရောက်ရှိလာမည်ဖြစ်သည်။

ပြီးခဲ့သည့်နှစ်က ကျင်းပခဲ့သည့် တိုက်ကြီးများဖလားဘောလုံးပြိုင်ပွဲအတွင်းကလည်း အီဂျစ်အသင်းသည် ဂျိုဟန်နက်စ်ဘတ်ဟိုတယ်တခုတွင် ဒေါ်လာ (၂,၅၀၀) နီးပါး အခိုးခံခဲ့ရသည်။ တောင်အာဖရိကအသင်းသည် ကြာသပတေးနေ့က အဓိက ကမ္ဘာ့ဖလားကစားကွင်းဖြစ်သည့် ဆော်ကာစီးတီး၌ ယှဉ်ပြိုင်ကစားသည့် ပထမပွဲစဉ်တွင် ကိုလံဘီယာအသင်းကို (၂) ဂိုး - (၁) ဂိုးဖြင့် အနိုင်ရရှိခဲ့သည်။