Tuesday, June 29, 2010

ခွက်ကပ်စား

အိမ်သူသက်ထားက ဆီတစ်ဆယ်သားလောက် ထွက်ဝယ်ပေးပါဆိုတာနဲ့  လမ်းထိပ်က ကုန်စုံဆိုင်လေးဆီရောက်ခဲ့တယ်။


ရောက်မဆိုက်ပါပဲ ဆိုင်ရှင် ဒေါ်တင်မြရဲ့  ဗျစ်တောက်ဗျစ်တောက်အသံကို ကြားလိုက်ရတယ်။


“ ဟဲ့ ဒီကောင်လေး ဘယ်တော့ပြောပြော အမှတ်မရှိဘူး အိုးကပ်ခွက်ကပ်တွေ လူးမစားပါနဲ့ ဆိုတာ ဘယ်နှစ်ခါပြောရမလဲ ငါလုပ်ထည့်လိုက်ရရင်တော့ ဟင်း “


“ ဒေါက် “


“ ဟီး “


လက်မြန်ခြေမြန်ရှိသောဒေါ်တင်မြက ပါးစပ်ကလည်းပြော လက်ကလည်း ဒယ်အိုးတစ်လုံးတွင် ထမင်းကြမ်းများ လူးနယ်၍ စားနေသော သားတော်မောင်
ဖိုးတုတ်၏ခေါင်းကို ခေါက်လိုက်သေးသည်။


“ ဒေါ်တင်မြ ဘာဖြစ်လို့ လဲဗျ “


“ အော် စာရေးဆရာပါလား .. ကျမသား ဖိုးတုတ်ပေါ့ အိုးကပ်ခွက်ကပ်တွေ မစားပါနဲ့ ဆိုတာ အမြဲပြောနေရတယ် အခုလည်းကြည့်လေ ဒီလောက်ပြောဆိုဆုံးမနေတဲ့ကြားက
စားနေသေးတယ် စာရေးဆရာလည်း ကြားဖူးမှာပေါ့
အိုးကပ်ခွက်ကပ်စားရင် ဆင်းရဲတတ်တယ်ဆိုတာလေ ဒီကောင်လေး ဒီလိုခဏခဏလုပ်နေလို့ 
ကျမတို့ 
့ ဈေးရောင်းတဲ့ဘ၀က မတက်တာ “


“ အင်း .. ကြားတော့ကြားဖူးတယ် “


“ ဒါနဲ့  စာရေးဆရာ ဘာအလိုရှိလို့ လဲ “


“ ဆီတစ်ဆယ်သားလောက်ပါဗျာ “


“ ခဏလေးနော် ရမယ် .. ဟဲ့ ဖိုးတုတ် ဒီမှာစာရေးဆရာကို ဆီတစ်ဆယ်သား ချင်ပေးလိုက်စမ်း “


ဒေါ်တင်မြ သူ့ သားကို လှည့်ခိုင်းပြီး လုပ်လက်စတွေ ဆက်လုပ်နေတယ်။


ဖိုးတုတ်ထမင်းစားနေရာမှ ထလာပြီး ကျွန်တော်ပေးတဲ့ ဆီပုလင်းလေးထဲ ဆီတစ်ဆယ်သားကို ဆီချင်ခွက်ထဲက ကုန်သည်အထိ စိတ်ရှည်လက်ရှည် ထည့်ပေးတယ်။


ထို့ နောက် .. ဆီဖိုးကျသင့်ငွေရှင်းပြီး ဆိုင်မှပြန်အထွက် မလှမ်းမကမ်းအရောက်မှာ ဆိုင်ထဲက လွင့်ထွက်လာတဲ့ ဒေါ်တင်မြရဲ့  အသံကြောင့် ကျွန်တော့်မှာ ပြုံးရမလိုလို
မဲ့ရမလိုလို …


“ ဖိုးတုတ်တို့ ကတော့ လုပ်ချလိုက်ပြန်ပြီ ဆီချင်တယ်ဆိုတာ ဆီခွက်ထဲက ကုန်အောင် ချင်ထည့်ရသလားသေနာလေးရဲ့  ဟိုတစ်ယောက်ရှေ့ မှာမို့ လို့  ငါမပြောတာ တကထဲ
သူ့ ပထွေးကျနေတာပဲ ဆီတစ်စက်မကျန်အောင် ထည့်ပေးနေလိုက်တာ
ဒီပုံစံအတိုင်းရောင်းရရင်
ငါတို့ မွဲရောပေါ့ .. မသေမချင်းမှတ်ထား ဆီရောင်းတယ်ဆိုတာ အဲဒီ ခွက်ကပ်လေးပဲ
စားရတာဟဲ့ “






ဥယျာဉ်မှူးလေး

0 comments: