.jpg)
စိတ်ကျရောဂါ ဖြစ်နေသော သူများသည် သာမန်လူများထက် ဝမ်းဗိုက်ပိုင်း ဝလာပြီး ဗိုက်ရွဲလာရန် အခွင့်အလမ်း ပိုမိုရှိကြသော်လည်း မူလကပင် အဝလွန်နေသူများအဖို့ ပုံမှန်အလေးချိန် ရှိသူများနှင့် နှိုင်းစာလျှင် စိတ်ကျရောဂါ ရနိုင်ချေ ပိုမများနိုင်ကြောင်း လေ့လာမှုတစ်ခုအရ သိရသည်။
စိတ်ကျရောဂါ နှင့် အလေးချိန်တိုးလာခြင်း ဆက်စပ်မှု ရှိသော်လည်း မည်သို့မည်ပုံ ဆက်စပ်သည်ကို တိတိကျကျ မသိရှိသေးကြောင်း အလာဘားမား တက္ကသိုလ် (University of Alabama) မှ သုတေသီအဖွဲက ပြောကြားကြောင်း ဇွန်လထုတ် အမေရိကန် လုထုကျန်းမာရေး ဂျာနယ်တွင် ဖော်ပြထားသည်။
စိတ်ကျခြင်းနှင့် ကိုယ်ခန္ဒာအတွက် သင့်တော်သော အလေးချိန် အချိုးအစား (body mass index-BMI) မြင့်မားလာခြင်း၏ ဆက်စပ်မှုကို စန်းစစ်နိုင်ရန် နှစ် ၂၀ ခန့် ဆက်တိုက် လေ့လာမှုမှ ရရှိလာသော အသက် ၁၈ နှစ်မှ ၃၀ အတွင်းရှိ အမျိုးသား အမျိုးသမီး စုစုပေါင်း ၅၁၀၀ ၏ အချက်အလက်များကို အသုံးပြုခဲ့သည်ဟု သိရသည်။ အဆိုပါလေ့လာမှုအရ အသက် ၁၅ နှစ်ကျော်လျင် လူတိုင်းလိုလို အလေးချိန် တဖြည်းဖြည်း တိုးလာသော်လည်း စိတ်ကျရောဂါဝင်သည့်အခါ ပိုမို မြန်မြန်ဆန်ဆန် အလေးချိန် တက်လာတတ်ကြောင်း တွေ့ရသည်။
အရပ်အမောင်းနှင့် သင့်တော်သော အလေးချိန် အချိုးအစားကို ဖော်ပြသည့် BMI ဇယား
“လေ့လာမှုအရ သာမန် အလေးချိန်ရှိသူတွေဟာ စိတ်ကျတာ မြင့်မားလာတာနဲ့အမျှ အလေးချိန်တက်တာလည်း မြန်လာပါတယ်။ ဒါပေမယ့် အစကတည်းက အလေးချိန် များနေတဲ့သူတွေ အနေနဲ့ ထူးထူးခြားခြား စိတ်ကျလာတာမျိုးကို မတွေ့ရပါဘူ” ဟု ဤ လေ့လာမှုစာတမ်းကို ပူတွဲရေးသားသည့် လူမှုဗေဒပညာရှင် Belinda Needham ကပြောပါသည်။
စိတ်ဖိစီးမှုကြောင့် ထွက်ပေါ်လာသော ကော်တီဇုန်း ဟိုမုန်းသည် ဝမ်းဗိုက်ပိုင်း အဝလွန်ခြင်းနှင့် ဆက်စပ်နေခြင်းသည် စိတ်ကျနေသော သူများအဖို့ ဗိုက်ရွှဲလာရန် ပိုမိုအခွင့်အလန်းများခြင်းကို အကြောင်းပြချက်ပေးနိုင်မည် ဖြစ်ကြောင်း Belinda Needham က ကောက်ချက်ချသည်။
“အခုလေ့လာမှုက အရေးပါတဲ့လေ့လာမှု တစ်ရပ်ပါ။ ဘာကြောင့်လဲဆိုတော့ လူတစ်ယောက် အနေနဲ့ အဝလွန်တာကို ထိမ်းချုပ်ချင်တာပဲ ဖြစ်ဖြစ် အဝလွန်လို့ ဖြစ်လာတဲ့ ရောဂါတွေကို ကြိုတင်ကာကွယ်ချင်တာပဲ ဖြစ်ဖြစ် အခုလေ့လာမှုက စိတ်ကျရောဂါ ရှိမရှိကို ထည့်သွင်းစဉ်းစားဖို့ အသိတစ်ခု ပေးနိုင်လို့ပါပဲ၊ နောက်တစ်ခုကတော့ စိတ်ကျရောဂါကို ကုသတဲ့အခါ စိတ်ပိုင်းဆိုင်ရာ ကျန်းမာရေးသက်သက် အဖြစ် မမှတ်ယူသင့်ဘဲ ရုပ်ပိုင်းဆိုင်ရာ ကျန်းမာရေးကိုပါ အကျိုးသက်ရောက်မှုကိုပါ ထည့်သွင်းစဉ်းစားဖို့လည်း လိုပါတယ်” ဟု Needham ကပြောပါသည်။
0 comments:
Post a Comment