တရုတ် အမျိုးသား တစ်ဦးသည် မင်္ဂလာပွဲ မတိုင်မီ အသတ်ခံရသော သတို့သမီးနှင့်ပင် လက်ထပ်ခဲ့

တစ်ခါတစ်ရံတွင် ပြင်ပကမ္ဘာမှ အဖြစ်အပျက်များသည် စိတ်ကူးယဉ် ဇတ်လမ်းများထက်ပင် ဆန်းကျယ်တတ်ကြလေသည်။ အသက် ၂၆ နှစ်အရွယ် တရုတ်အမျိုးသား Zhuang Huagui သည် သူ၏ မင်္ဂလာပွဲမတိုင်မီ ၈ ရက်အလိုတွင် အသတ်ခံရပြီး သေဆုံးသွားသော အသက် ၂၁ နှစ်အရွယ် သူ့၏ ချစ်သူ သတို့သမီး Hu Zhao နှင့်ပင် ဝမ်းနည်းဖွယ်ကောင်းသော လက်ထပ်ပွဲကို မူလစီစဉ်ထားသော ရက်မှာပင် ကျင်းပဲခဲ့သည်ဟု သိရသည်။

အဆိုပါ စုံတွဲသည် မူလက ဖေဖော်ဝါရီလ ၄ ရက်နေ့တွက် လက်ထပ်ရန် စီစဉ်ထားပြီးဖြစ်သည်။ သို့သော် ဇန်နဝါရီလ ၂၈ ရက်နေ့တွင် သတို့သမီးလောင်း၏ အိမ်သို့ ဖောက်ထွင်း ဝင်ရောက်လာသော သူခိုးနှစ်ဦးကြောင့် သတို့သမီးလောင်းသည် ဓါးဖြင့်ထိုးပြီး အသတ်ခံခဲ့ရသည်။

အလွန်အမင်း ကြေကွဲဝမ်းနည်းနေသော သတို့သားသည် ကွယ်လွန်သွားသော သူ၏ချစ်သူ ဈာပနမတိုင်မီ ချစ်သူနှင့်ပင် လက်ထပ်မည်ဟု ဆုံးဖြတ်ခဲ့သည်။ ထို စုံတွဲ၏ လက်ထပ်မင်္ဂလာပွဲကို Zhangzhou မြို့ ဈာပနပွဲပြုလုပ်ရာ ဧည့်ခန်းဆောင်တွင် ကျင်းပခဲ့ပြီး နှစ်ဘက်မိဘများ တက်ရောက်ပြီး အသိသက်သေအဖြစ် ဆောင်ရွက်ခဲ့သည်။

ထိုကြေကွဲ ဝမ်းနည်းဖွယ်ကောင်းသော မင်္ဂလာပွဲတွင် ချစ်စိတ်ပြင်းပြသော သတိုးသားသည် မူလက ရည်မှန်းထားသော နေ့ရက်တွင်ပင် မှန်ခေါင်းထဲတွင် လဲလျောင်းနေသော သတို့သမီးနှင့် လက်ထပ်ရန် သန္နိဋ္ဌာန်ချခဲ့ခြင်းဖြစ်သည်။ အခမ်းအနား၏ အဝင်တွင် သတို့သားသည် သတို့သမီး၏ ဓါတ်ပုံကိုပိုက်ကာ ဧည်သည်များကို ဧည့်ခံနှုတ်ဆက်ခဲ့သည်။

သတို့သားသည် သူ၏ လက်ထပ်လက်စွပ်ကို သေဆုံးသွားပြီဖြစ်သော ဇနီး၏လက်ကို စွပ်ပေးသည့် ဝမ်းနည်းဖွယ် မြင်ကွင်းကိုလည်း တွေ့ရှိရသည်။ သတို့သမီးကို လှပသော လက်ထပ်ဝတ်စုံ အဖြူရောင် ဂါဝန်ရှည်ကို ဝတ်ဆင်ထားပြီး မှန်ခေါင်းအတွင်းတွင် အိပ်စက် လဲလှောင်း နေသည့် သဖွယ် တွေ့မြင်ရသည်။

အထက်ပါ အကြောင်းအရာသည် မကြာသေးမီက ပရိသတ်တစ်ဦးမှ PatheinCity News သို့ အီးမေလ်းနှင့် ပေးပို့ထားခြင်းဖြစ်သည်။ ၎င်းပေးပို့သူ၏စာတွင် ” ( can’t find a word to describe my feeling when I see it. ) ” ဟု ဖော်ပြထားသည်။

ထိုသတင်းသည် အင်တာနက်အတွင်းတွင်လည်း ကြေကွဲဖွယ် အံ့သြဖွယ် သတင်းတစ်ရပ်အဖြစ် များစွာပြန်နှံ့နေပြီး PatheinCity News ပရိသတ်များအတွက် ပိုမိုခိုင်မာသော သတင်း Source ဖြစ်သည့် စင်္ကာပူအခြေစိုက် AsiaOne သတင်းစာ၏ သတင်းSource ကိုပါ ပူးတွဲ ဖော်ပြလိုက်ပါသည်။