Eleven Media Group မှ ထုတ်ဝေလျက်ရှိသော First Eleven Sports ဂျာနယ်နှင့် Premier Eleven Sports ဂျာနယ်များကို မလေးရှားနိုင်ငံ ကွာလာလမ်ပူမြို့တွင် စတင်စ

Eleven Media Group မှ ထုတ်ဝေလျက်ရှိသော First Eleven Sports ဂျာနယ်နှင့် Premier Eleven Sports ဂျာနယ်များကို မလေးရှား နိုင်ငံ ကွာလာလမ်ပူမြို့တွင် စတင် စမ်းသပ် ရိုက်နှိပ်ထုတ်ဝေမှုများ ပြုလုပ်လျက်ရှိကြောင်း Eleven Media Group မှ တာဝန်ရှိသူတစ်ဦး၏ ပြောကြားချက်အရ သိရှိရသည်။

ထို့ကြောင့် မလေးရှားနိုင်ငံမှ စာဖတ်ပရိသတ်များသည် ရန်ကုန်မြို့၌ ထုတ်ဝေသည့်အချိန်နှင့် တစ်ပြေးညီ First Eleven Sports ဂျာနယ်နှင့် Premier Eleven Sports ဂျာနယ်များ ဖတ်ရှုနိုင်တော့မည် ဖြစ်သည်။

''ဒီလို စမ်းသပ်ရိုက်နှိပ် ထုတ်ဝေရခြင်းရဲ့ရည်ရွယ်ချက်က အကျိုးအမြတ်ဆိုတာထက် မြန်မာနိုင်ငံ ပြင်ပမှာရှိတဲ့ စာဖတ်ပရိသတ်တွေ အချိန်နဲ့တစ်ပြေးညီ ဖတ်ရှုနိုင်အောင် စီစဉ်တာ ဖြစ်ပါတယ်။ ဒီအစီအစဉ် ကို Premier Eleven Sports ဂျာနယ် အတွဲ(၇) အမှတ်(၄၀) ကနေ စတင် ပြီး မလေးရှားနိုင်ငံမှာ ဆောင်ရွက်ခဲ့တာ ဖြစ်ပါတယ်။ ဒီလိုစမ်းသပ် ထုတ်ဝေမှုကို သုံးလတိတိ အခမဲ့ လုပ်ဆောင်ခွင့် ပြုထားတာဖြစ်ပါတယ်။ မလေးရှားနိုင်ငံမှာရှိတဲ့ မြန်မာနိုင်ငံသားတွေ သင့်တင့်တဲ့ဈေး နှုန်းနဲ့ ဖတ်ရှုနိုင်အောင် ဂျာနယ်တစ်စောင်ကို နှစ် ရင်းဂစ်နဲ့ ရောင်းချနေပါတယ်'' ဟု Eleven Media Group မှ Managing Editor ဒေါက်တာသိန်းမြင့်က ပြောကြားခဲ့သည်။

''ဟိုးအရင်တုန်းကလို ဈေးနှုန်းအများကြီး ကွာဟမှု မရှိနိုင်တော့ပေမယ့် မလေးရှားမှာရိုက်တဲ့ စောင်ရေကနည်းနေသေးလို့ ကုန်ကျစရိတ် ကြီးမားတဲ့အတွက် ရန်ကုန်က ဂျာနယ်ဈေးနှုန်းထက် နည်းနည်းများ နေပါသေးတယ်။ နောက်ပိုင်းမှာ ဂျာနယ်စောင်ရေ တိုးလာတာနဲ့အမျှ ဈေးနှုန်းတွေ လျှော့ချသွားဖို့ အစီအစဉ်ရှိပါတယ်။ ဒီအစီအစဉ်မျိုး မလေးရှားပြီးနောက်ပိုင်းမှာ ထိုင်းနိုင်ငံ ဘန်ကောက်မြို့မှာလည်း လုပ်သွားဖို့ ရှိပါတယ်''ဟု ၄င်းက ဆက်လက် ပြောကြားခဲ့သည်။

Eleven Media Group ၏ ပထမဦးဆုံးထုတ်ဝေသည့် First Eleven Sports ဂျာနယ်ကို ၂၀၀၀ ပြည့်နှစ်တွင် စတင်ထုတ်ဝေခဲ့ပြီး ယခုအချိန်၌ မီဒီယာသက်တမ်းမှာ ၁၀ နှစ် ရှိပြီဖြစ်သည်။ လက်ရှိအချိန်၌ First Eleven Sports ဂျာနယ်နှင့် Premier Eleven Sports ဂျာနယ်တို့အပြင် သတင်းဂျာနယ် နှစ်စောင်ဖြစ်သည့် Weekly Eleven News ဂျာနယ်နှင့် Biweekly Eleven News ဂျာနယ် တို့ကိုလည်း ထုတ်ဝေလျက်ရှိသည်။