ဥရောပချန်ပီယံရဲ့ ထိုက်တန်တဲ့အနိုင် (စပိန် ၁-၀ ပေါ်တူဂီ)

ဥရောပချန်ပီယံ စပိန်အသင်းနှင့် ၂၀၁၀ ကမ္ဘာဖလားမှာ ပေးဂိုးလုံးဝ မရှိသေးတဲ့ ပေါ်တူဂီအသင်းတို့ရဲ့ ပွဲကတော့ ပွဲစတယ်ဆိုတာနဲ့ စပိန်အသင်းက ပေါ်တူဂီအသင်းရဲ့ အထနှေးမှုကို အခွင့်ကောင်းယူကာ ဆက်တိုက်ဖိကစားခဲ့ပြီး တောရက်စ်နှင့် ဒေးဗစ်ဗီလာတို့ရဲ့ အပြင်းကန်ချက်တွေကို ပေါ်တူဂီဂိုးသမား အက်ဒွါဒို ပုတ်ထုတ်ကာ ကာကွယ်ခဲ့ရပါတယ်။ ပေါ်တူဂီအသင်းကတော့ စပိန်အသင်းရဲ့ ကစားအားကို မထိန်းနိုင်ဘဲ ခံစစ်သက်သက် ကစားနေခဲ့ရပြီး၊ ပွဲချိန်(၇) မိနစ်မှာ ဗီလာရဲ့ ကန်ချက်ကိုလည်းပေါ်တူဂီဂိုးသမား ထပ်မံပုတ်ထုတ်နိုင်ခဲ့လို့ ပေါ်တူဂီအသင်းသက်သာရာရခဲ့ပါတယ်။ ပေါ်တူဂီအသင်းက စပိန်အသင်းဘက်ကို Counter ကနေပြန်လည်တိုက်ခိုက်ခဲ့ပြီး၊ ပွဲချိန်မိနစ် (၂၀)မှာ တီယာဂိုရဲ့ ကန်ချက်ကောင်းပေမယ့် ကာဆီးလက်စ် ကာကွယ်ပေးခဲ့လို့ ဦးဆောင်ဂိုးနှင့် လွဲခဲ့ပါတယ်။ ဒါ့အပြင် ပေါ်တူဂီအသင်းဘက်က ရော်နယ်ဒိုရဲ့ ဖရီးကစ်ကန်ချက် ဂိုးရလုနီးပါးဖြစ်ခဲ့ကာ၊ အယ်မေးလ်ဒါးလ်၊ တီယာဂိုတို့ရဲ့ ခေါင်းတိုက်ချက်တွေ လွဲချော်ခဲ့လို့လည်း ပထမပိုင်းမှာ နှစ်သင်းစလုံးမှာ ဂိုးမရရှိဘဲ သရေကျနေခဲ့ပါတယ်။

ဒုတိယပိုင်းအစမှာ နှစ်သင်းစလုံးဟာ အပြန်အလှန် ထိုးဖောက်ကစားခဲ့လို့ ပွဲဟာကြည့်ကောင်းခဲ့ပြီး ပွဲချိန် ၅၁ မိနစ်မှာ အယ်လ်မေးဒါးလ် ဘယ်တောင်ပံက တစ်ကိုယ်တော် ဆွဲပြေးပြီးထိုးပေးတာကို ပူယိုးလ် ရှင်းထုတ်နိုင်ခဲ့ပါတယ်။ ပွဲချိန် ၅၈ မိနစ်မှာ စပိန်အသင်းက တောရက်စ်နှင့် ပေါ်တူဂီအသင်းက အယ်မေးဒါးလ်တို့ အစား လောရန်တေးနှင့် ဒန်နီတို့ ၀င်ရောက်ကစားခဲ့ပါတယ်။ တိုက်စစ်အပြောင်းအလဲ လုပ်လိုက်တဲ့အတွက် စပိန်အသင်းဟာ ဂိုးသွင်းခွင့်တွေရခဲ့ပြီး လော်ရန်တေးနှင့် ဗီလာတို့ရဲ့ အားထုတ်မှုတွေ ဂိုးရရှိမှုနီးပါးဖြစ်ခဲ့ပါတယ်။

ဆက်တိုက်ဖိကစားခဲ့တဲ့အတွက် ပေါ်တူဂီခံစစ်ပြာသွားပြီး ပွဲချိန် ၆၃ မိနစ်မှာ ဇာဗီဖနောင့်နဲ့ ထုတ်ပေးတာကတစ်ဆင့် ဗီလာက နှစ်ချက်ဆင့်ပိတ်သွင်းခဲ့လို့ စပိန်အသင်း ဦးဆောင်ဂိုးရခဲ့ပါတယ်။ တစ်ဂိုးရပြီးနောက်ပိုင်း စပိန်အသင်းကပဲ ဂိုးသွင်းခွင့်တွေရခဲ့ပြီး ဗီလာ၊ ရာမို့စ်တို့ရဲ့ ကန်ချက်တွေက်ို အက်ဒွါဒို လက်စွမ်းပြ ကာကွယ်ပေးခဲ့ပါတယ်။ ဒီနေ့ပွဲမှာ စပိန်ကွင်းလယ်က ဇာဗီ၊ အလွန်ဆို၊ အင်နီယေစတာ တို့ခြေစွမ်းပြခဲ့ကြပြီး၊ ပေါ်တူဂီနောက်တန်းက ကော်စတာကလည်း ဒေးဗစ်ဗီလာကို လုံးဝမထိန်းနိုင်ခဲ့ပါဘူး။ (၈၈)မိနစ်မှာ ရီကာဒိုကော်စတာ အနီကတ်ပြ အထုတ်ခံခံရပြီး၊ ဒီအနီကတ်ဟာ စပိန်နောက်ခံလူ ကတ်ဒီဗီလာ ဟန်ဆောင်ကောင်းခဲ့လို့ပါ။ ပွဲပြီးခါနီးမှာ ပေါ်တူဂီတို့ အခွင့်အရေးရခဲ့ပေမယ့် အသုံးမချနိုင်လို့ ချေပဂိုးနဲ့ဝေးခဲ့ရပြီး ၊စပိန်အသင်းကတော့ ကွာတားဖိုင်နယ်ကို တက်ရောက်သွားနိုင်ခဲ့ပါတယ်။ ကွာတားဖိုင်နယ်မှာတော့ စပိန်အသင်းဟာ တောင်အမေရိက အသင်းတစ်သင်းဖြစ်တဲ့ ပါရာဂွေးအသင်းနဲ့ ကစားရမှာဖြစ်ပါတယ်။